Jauns radejis raidejumu cyklys “No Latgales kongresa līdz Latvijas simtgadei”

Jauns radejis raidejumu cyklys “No Latgales kongresa līdz Latvijas simtgadei”

Nu oktobra sovu skaniejumu vairuoku radejis staceju ēterā suoc jauns raidejumu cykls “No Latgales kongresa līdz Latvijas simtgadei”, kurā treis mienešu garumā klauseituoji tiks īpazeistynuoti ar Latgolys regiona i Latvejis viesturi. Raidejumūs tiks analizāti kulturys, sabīdriskī i politiskī procesi pādejūs 100 godu laikā, kab piec īspiejis lobuok izprostu Latgolys regiona atteisteibu i nūzeimi Latvejis valstiskuma tapšonā, informej raidejumu veiduotuojs Tenis Bikovskis.

Pyrmajā raidejumā Latgolys viesturnīki Kaspars Strods, Arņs Slobožanins i Henrihs Soms, kai ari nūvodpietnīks Ivars Logins stuosta par latvīšu tautys atškireibom i tū, deļkuo baltīši i latgalīši nav vīnaidi, kai ari – kod, kai, ari kaidu apstuokļu dieļ ituos atškireibys ir rodušuos.

Raidejums radeits Valsts regionaluos atteisteibys agenturys izsludynuotuos vaļsts budžeta finansātuos mierkprogramys “Regionalūs i vītejūs meeju atbolsta programa” ītvorūs. Raidejumu veiduos “Divu Krastu radio” žurnalists Tenis Bikovskis i raidejumi skanēs kotru nedeļu.

Raidejumi “No Latgales kongresa līdz Latvijas simtgadei” skanēs radejā “Ef-Ei” (Rēzeknē i apleicīnē 91,4 FM) i “Divu Krastu radio” (Jākubpilī i apleicīnē 96,9 FM, Daugovpilī i apleicīnē 90.1 FM) svātdīnēs 16.00 ar atkuortuojumu pyrmūdīnēs 18.30. Taipat raidejumus varēs dzierdēt ari “Radio Marija Latvija” klauseituoji (Reigā i apleicīnē 97,3 FM, Līpuojā i apleicīnē 97,1 FM, Kruoslovā i apleicīnē 97,0 FM), kai ari vysā pasaulī satelītā Astra 4A (4.8°E) Stars (Beam): Europe BSS 51 Frekvence: 12’380 MHz Polarizācija: Horizontal • Symbol Rate: 27500 Forward Error Correction: 3/4 sastdīnēs 11.00.

Print Friendly, PDF & Email

Kalenders

Jul
16
Ūtr
17:00 Rezidejūšūs muokslinīku publisku... @ Rotko muzejs
Rezidejūšūs muokslinīku publisku... @ Rotko muzejs
Jul 16 @ 17:00 – 18:30
16. julī 17.00 stuņdēs Rotko muzejā sevkuram byus vareiba īpasazeit tyvuok ar ostonim storptautyskim muokslinīkim publiskajuos prezentacejuos, kurymuos jī īpazeistynuos ar sevi i sovu dailradi.   Nedelis garumā, nu 12. da 19. juļa Eiropys Savīneibys[...]
Jul
18
Cat
14:00 Bolvu nūvoda svātki @ Bolvi
Bolvu nūvoda svātki @ Bolvi
Jul 18 @ 14:00 – Jul 20 @ 23:45
Bolvu nūvoda svātki @ Bolvi
16:00 Storptautyskuos rezidencis nūslā... @ Rotko muzejs
Storptautyskuos rezidencis nūslā... @ Rotko muzejs
Jul 18 @ 16:00 – 17:30
18. julī 16.00 stuņdēs Rotko muzeja konferenču zālē nūtiks storptautyskuos rezidencis nūslāguma izstuodis atkluošona.   Nedelis garumā, nu 12. da 19. juļa Eiropys Savīneibys finansātuo projekta “Eiropas kultūra: Visi dažādi – visi vienlīdzīgi” laikā Rotko[...]