Raidejumā “Kolnasāta” gastej Ilmārs Mežs, kurs vairuoku godu garumā arhiva materialūs pietejs latgalīšu uzvuordus. Kūpā ar cytim pietnīkim jis sarakstejs gruomotu “Latviešu uzvārdi arhīvu materiālos. 1. sējums. Latgale”, tuos pamatā 1935. goda tautys skaiteišonys dati. Gruomotā varēs atrast ap 4000 uzvuordu, tū izplateibu, daļai uzvuordu byus ari skaidruojums par vuorda izcelsmi. Interesants ir fakts, ka Latgolys latvīšim pyrmajim suoce dūt uzvuordus, tys beja jau 17. godu symtā, puorejā Latvejis teritorejā latvīši pi uzvuordu tyka dažus godu symtus vāluok.