Daugovpiļs nūvoda Leiksnā 2018.gods 14. i 15. julī jau septeitū reizi byus leluokais jaunuos latgalīšu muzykys festivals „Muzykys Skrytuļs‟, pulcynojūt muzykantus, kuri vysaidūs žanrūs roda dzīsmis latgaliski. Festivals nūtiks divejis dīnys i tys otkon puorsteigs ar koč kū da šam nabejušu, sūla pasuokuma organizatori.

Festivalā sastdinis divejūs koncertūs uzastuos latgalīšu jaunuos grupys, sovukuort naktī byus vareiba baudeit jau atpazeistamu grupu uzastuošonu. Svātdin Leiksnys Vyssvātuos Jezus Sirds Ruomys katuoļu bazneicā nūtiks gareiguos muzykys koncerts.

Jaunuos latgalīšu muzykys festivals “Muzykys Skrytuļs” pyrmū reizi tyka reikuots 2005.godā ar mierki popularizēt latgaliskū identitati i sekmēt jaunu dzīsmu radeišonu latgaliski. Festivala moto namaineigi ir „Kruot var na tikai naudu‟, deļ tam festivals visim apmaklātuojim ir bez moksys.

Festivala jaunumim leidza var sekuot facebook.com
Karteņa: festivala “Muzykys Skrytuļs” arhivs