“Pi myusim Latgolā” viestej par Latgolys planavuošonys regiona Atteisteibys padūmis sēdi
Trešdiņ, 11. oktobrī, Baļtinovā nūtyka Latgolys planavuošonys regiona Atteisteibys padūmis sēde, kurā Latgolys pošvaļdeibu vadeituoji sasatyka ar premjerministru Māri Kučinski, vidis aizsardzeibys i regionaluos atteisteibys ministru Kasparu Gerhardu i zemkūpeibys ministru Juoni Dūklavu. Kab dazynuotu, kaidi vaicuojumi sēdē tyka apsprīsti, iz tū nūbrauce Tenis Bikovskis.
Svareiguokais vaicuojums itamā tikšonuos reizē beja plyudu seku likvidiešona. Ari sēdis nūrisis vīta natyka izvālata najauši. Baļtinovys nūvoda teritoreja iz vysa vaira cīte nu leita radeitajim plyudim.
Premjerministrs Māris Kučinskis paziņuoja, ka infrastrukturys sakuortuošonai vaļsts gotova pīškiert 2,9 miļjonus eiro. Taipoš applyudušajūs teritorejuos tiks pīškierti papyldu leidzekli dzeļžaceļa i autoceļu uzturiešonys dorbim.
