Kab dazynuotu vaira par soltū vosoru, lelajim plyudim i gaidomū zīmu, raidejuma “Pi myusim Latgolā” veiduotuoji nūbrauce iz Viļakys pusi, kur dzeivoj dobys pietnīks i laika vāruotuojs Vilis Bukšs.

Koč i vosorys beiguos spieceigūs leitu radeidī plyudi nūdareja cīši daudz pūsta Zīmeļlatgolā, Vilis Bukšs soka, ka tei ir Dīva svieteiba. Jis nūruoda, ka mes asam seiksti i mierktīceigi, deļtuo nav juosasatrauc.

Iz vaicuojumu, voi jis paredzējs itaida apmāra plyudus, Vilis Bukšs soka, ka plyudu nav pavasarī, tod tī gaidomi sīna laikā ci ražys nūvuokšonys laikā. Sovpus tim, kas žālojās par soltu vosoru, jis īsoka aizbraukt pasasiļdeit iz Spāneju i atguoduot, ka mes Baļtejā sevi varom daskaiteit pi zīmeļnīku, partū ari i pi myusu taidys vosorys.

Runojūt par zīmu, Vilis Bukšs nūruoda, ka tei byus soltuokuo i ar snīga sagu bogotuokuo pādejūs pīcu godu laikā. Tok pastuov lela varbyuteiba, ka Zīmyssvātki byus bez snīga.