“Kolnasātai” pīci godi, svātku raidejumā gostūs Latgolā i Latvejā zynomi ļauds

“Kolnasātai” pīci godi, svātku raidejumā gostūs Latgolā i Latvejā zynomi ļauds

20. oktobrī pīcu godu ēterā skaniešonys jubileju svieteja Latvejis Radejis latgaliskuokais raidejums “Kolnasāta”. Pyrmū reizi radejis viļņūs raidejums izskanēja 2012. goda 20. oktobrī, itūs godu laikā kotru sastdīni prīcynojūt ar Latgolys personeibu i nūtikšonu stuostim, izgleitojūt par regiona kulturviesturi i popularizejūt latgalīšu volūdu.

Pīcūs godūs raidejums palics par sastdīnis vokoru sabīdruotū vysā Latvejā – paleidziejs veicynuot Latgolys kulturvidis, vierteibu i tradiceju saglobuošonu i atteisteibu, pīduovuojs klauseituojim pasavērt iz regionu caur interesantim i īdvasmojūšim Latgolys personeibu stuostim, unikalū volūdys boguoteibu i īsaklauseit latgalīšu redzīņūs. Taipat “Kolnasāta” aktivai īsasaista sabīdryskajuos nūtikšonuos, par pīmāru, naseņ, oktobra suokuos, kod nūtyka III pasauļa diktats latvīšu volūdā, pīduovuoja raksteit I pasauļa diktatu latgaliski. Raidejums izapeļnejs na tik radejis klauseituoju atzineibu, nu ari vairuokkuort sajiems Latgalīšu kulturys goda bolvu “Boņuks” nominacejuos par latgalīšu volūdys i Latgolys populariziešonu.

Svātku raidejumā pīsadaleja latgaliskajā kulturvidē zynomi cylvāki – muziki Normunds Zušs i Mārteņš Strods, vīglatlete Gunta Latiševa-Čudare i latgalisku projektu vadeituoja Edeite Husare, kab draudzeigā atmosferā pīsadaleitu vaicuojumu-atbiļžu spēlē par “Kolnasātys” viesturi i Latgolu, kai ari nūskaidruotu, kurs ir vyszynūšuokais.

Raidejuma veiduošonā pīsadalejuši i vys vēļ pīsadola daudzi Latgolys kulturvidē zynomi cylvāki – literaturzynuotnīks Valentins Lukaševičs, muzikis i sabīdryskais aktivists Arņs Slobožanins, muzikis i reklamys specialists Aigars Runčis, žurnaliste Daira Zīle, literate Ilze Sperga, žurnaliste Justīne Savitska, literats Oskars Orlovs i cyti. Itūšaļt raidejumu voda etnomuzikologs i muzikis Ēriks Zeps, bet producej Vineta Vilcāne, kura bejuse ilggadieja latgalīšu kulturys ziņu portala lakuga.lv redaktore. Nu 2017. goda suoku raidejums teik veiduots Latvejis Radejis Latgolys multimedeju studejā Rēzeknē.

“Kolnasāta” ir pyrmais i pagaidom vīneigais raidejums latgaliski, kas regulari skaņ Latvejis Radejis 1 ēterā vysys vaļsts FM puorkluojumā. Pyrma tuo vaira kai 20 godu Latvejis Radejā 4 skanēja žurnalista Bronislava Spridzāna veiduotais raidejums “Latgolys Vuords”. Ideja par latgaliski skanūšu raidejumu Latvejis Radejis 1 ēterā roduos, kod sabīdreibā tyka pīvārsta pastyprynuota viereiba vaļsts atbolsta pīsaistei latgaliski veiduota satura i latgaliski raidūšu medeju atbolstam.

Print Friendly, PDF & Email

Kalenders

Jul
16
Ūtr
17:00 Rezidejūšūs muokslinīku publisku... @ Rotko muzejs
Rezidejūšūs muokslinīku publisku... @ Rotko muzejs
Jul 16 @ 17:00 – 18:30
16. julī 17.00 stuņdēs Rotko muzejā sevkuram byus vareiba īpasazeit tyvuok ar ostonim storptautyskim muokslinīkim publiskajuos prezentacejuos, kurymuos jī īpazeistynuos ar sevi i sovu dailradi.   Nedelis garumā, nu 12. da 19. juļa Eiropys Savīneibys[...]
Jul
18
Cat
14:00 Bolvu nūvoda svātki @ Bolvi
Bolvu nūvoda svātki @ Bolvi
Jul 18 @ 14:00 – Jul 20 @ 23:45
Bolvu nūvoda svātki @ Bolvi
16:00 Storptautyskuos rezidencis nūslā... @ Rotko muzejs
Storptautyskuos rezidencis nūslā... @ Rotko muzejs
Jul 18 @ 16:00 – 17:30
18. julī 16.00 stuņdēs Rotko muzeja konferenču zālē nūtiks storptautyskuos rezidencis nūslāguma izstuodis atkluošona.   Nedelis garumā, nu 12. da 19. juļa Eiropys Savīneibys finansātuo projekta “Eiropas kultūra: Visi dažādi – visi vienlīdzīgi” laikā Rotko[...]