Storptautyskā konfereņcē Daugovpiļs nūvodā analizēs Latgolys atmūdys darbinīku davumu Latvejis valstiskuma izveidē

Storptautyskā konfereņcē Daugovpiļs nūvodā analizēs Latgolys atmūdys darbinīku davumu Latvejis valstiskuma izveidē

9. i 10. novembrī Daugovpiļs nūvoda Vabalē, Skryndu dzymtys muzejā, nūtiks storptautyskuo zynuotniski praktiskuo konfereņce “Latgales pirmās atmodas darbinieku devums Latgales virzībā uz Latvijas valstiskumu”, informej Daugovpiļs nūvoda Kulturys puorvaļdis vadeituoja Ināra Mukāne.

Konfereņce nūtiks Latvejis vaļsts symtgadis i Latgolys kongresa symtgadis programu ītvorūs, kab gūdynuotu vaļsts dybynuotuojus i pīmynātu nūtikšonys, kas bejušys nūzeimeigys Latvejis vaļsts izveidē.

Daleiba konfereņcē bez moksys. Registraceja ite.

Konfereņcis zynuotniskūs temu lūks dūs vareibu izzynuot Latvejis vaļstiskuma veiduošonuos ceļus nu lokaluos vidis skotpunkta, kur atmiņa cauri kūpīnys cylvāku stuostim, saimis albumim globojās nūtureiguok, kur viesturis i kulturys montuojumam myusu dīnuos ir cīšuoka sasaiste ar nūtikšonom vītejuos sabīdreibys dzeivē.

Konfereņcis laikā nūtiks ari Latgolys Kulturviesturis muzeja Latgolys kongresa symtgadis ceļojūšuos izstuodis “Pāri slieksnim” atkluošona Vabalis kulturys nomā, kai ari O. Skryndys 1914.g. izdūtuos dzejis antologejis “KUKLE” atkuortuotuo izdavuma prezentaceja.

Konfereņcis programa

Print Friendly, PDF & Email

Kalenders

Feb
29
Cat
all-day Evijis Styrnys gleznu izstuode “... @ Rēzeknis Centraluo biblioteka
Evijis Styrnys gleznu izstuode “... @ Rēzeknis Centraluo biblioteka
Feb 29 all-day
Mādz saceit, ka dzeive ir sapyns. Izstuodē ir vārojamys gleznys akvareļu tehnikā, kuru var skaiteit par eipaši pīmāruotu sapynu atspaitu radeišonai. Akvareļu kruosys ar sovu plyustūšū caurspeideigumu ļaun mums īsajust sapynu pasaulī, kur vysu dzeivūs[...]