Muzykys i muokslys festivalā “Bildes” pīsadaleis ari Latgolys muziki

Muzykys i muokslys festivalā “Bildes” pīsadaleis ari Latgolys muziki

“BILDES” ir kasgadejs Latvejis muzykys i muokslys festivals, kurs parosti nūteik rudinī. Festivala apmaklātuojim teik pīduovuoti dažaida veida koncerti i muokslys izstuodis, kurūs ari itūrudiņ pīsadaleis muziki i muokslinīki nu Latgolys, viestej Latgolys planavuošonys regions.

Kasgadejais muzykys i muokslys festivals “BILDES” itūgod nūtiks nu 5. da 25. novembra. Kūpā byus vareiba apmeklēt deveņus koncertus, kas nūtiks četruos Reigys vītuos – Kongresu nomā, muzykys nomā “Daile”, Spīkeru koncertzalā i muzykys klubā “Kaļķu vārti”.

Itei byus jau 32. reize, kod festivāls puļcēs kūpā vysvysaidu žanru i vacumu muzikus, kab svieteitu Latvejis muzykys paguotni, tagadni i ari nuokūtni. Ari itūgod festivalā pīsadaleis vairuoki muziki i kolektivi nu Latgolys.

Muzykys klubā “Kaļķu Vārti” 8.novembrī Jaunūs dzīsminīku koncertā debitēs jaunuo muzike nu Leivuona Guna Pūcīte.

Spīkeru koncertzalā “BILDĒS” sevi dasacejušūs grupu i rodūšūs personeibu kūpprojektu koncertā 9. novembrī mārgu grupa “Piparmētra” nu Ilūkstis uzastuos kūpā ar kuorsavīti, akteri Kristapu Rasimu. Sovukuort 10. novembrī tīpat muzicēs Leivuona grupa “Jauda” kūpā ar Latvejis Radejis 2 programu vadeituoju i LTV raidejuma “Latvijas sirdsdziesma” vadeituoju Velgu Vītolu. Itymā pat koncertā uzastuos jau labi zynomais muzikis Arņs Slobožanins nu grupys “Dabasu Durovys” kūpā ar Daugovpiļs teatra akterim Zandu Mankopu i Albertu Vecmani.

Beleti iz vysim festivala koncertim nūpierkami “Biļešu paradīzes” kasēs i škārsteiklā.

Kalenders

May
23
Pīk
14:00 Gruomotys “Fotogrāfi Daugavpilī ... @ Daugovpiļs Nūvodpietnīceibys i muokslys muzejs
Gruomotys “Fotogrāfi Daugavpilī ... @ Daugovpiļs Nūvodpietnīceibys i muokslys muzejs
May 23 @ 14:00 – 15:30
Nikolaja Škuta gruomotā “Fotogrāfi Daugavpilī 1920-1940” apsavārtys Daugovpiļs 39 fotografu i fotosalonu kartenis, dagrīžūt viereibu tūs zeimūgim, izmontuotajam fotopapeiram i fotografeju izgataveišonys laikam.
May
24
Sai
12:00 Saimu folkfestivala “Taka” dīnys... @ "Jaunā Teika"
Saimu folkfestivala “Taka” dīnys... @ "Jaunā Teika"
May 24 @ 12:00 – 18:45
Pīsadola: “Garatakas” jaunīšu kapela, folklorys kūpa “Ceiruleits”, folklorys kūpa “Tarkšķi”, Juoņa Ivanova Rēzeknis muzykys vydsškola, folklorys kūpa “Rūžupis veiri”, muzykaluo apvīneiba “Trio Bille”, folklorys kūpa “Skandinieki”, vokalais trio “Kalme”, folklorys kūpa ”Garataka”, Melkutus Party (FIN),[...]