Restaurātys Nautrānu bazneicys varganis

Restaurātys Nautrānu bazneicys varganis

Piec Nautrānu Vyssvātuokuos Jaunovys Marijis Bezvaineiguos ījimšonys Rūmys katuoļu bazneicys 100 godu jubileja, kas tyka svieteits 2014. godā, tyka suokts dorbs finansiejuma pīsaistei vargaņu restauracejis dorbim. Varganis tyka restaurātys treis etapūs i 31. oktobrī ir nūsaslāguši apjūmeigī restauracejis dorbi. Nautrānīši, pasasokūt zīduotuojim, Vaļsts kulturkapitala fonda mierkprogramys “Latvijas valsts mežu atbalstītajai Latgales kultūras programmai 2017” i Rēzeknis nūvoda pošvaļdeibai ir realiziejuši itū īceri i Latvejis symtgadis godā bazneicā teik planavuoti diveji vargaņu muzykys koncerti. Vosorys suokuos paradzāts vargaņu īskandynuošonys koncerts, bet 21. julī nūtiks koncerts “Latgolys vargaņu dīnu 2018” ītvorūs, kurā muzicēs varganiste Edeite Alpe, kuruos dzymtys saknis saisteitys ar Nautrānu pogostu.

Nautrānu Vyssvātuokuos Jaunovys Marijis Bezvaineiguos ījimšonys Rūmys katuoļu bazneicys varganis ir vīns nu leluokajim i lobuok skanūšajim Herberta Kolbis instrumentim Latvejā, ari pādejuos juo taiseituos varganis (īsvieteitys 1939. goda 10. septembrī). Itūšaļt tuos ir Vaļsts nūzeimis muokslys pīmineklis (Nr.4000).

Restauracejis dorbu pyrmū kuortu veice SIA “Ilsuma ērģeļu restaurācija”, bet ūtrū i trešū kuortu realizēja SIA “Ērģeļu darbnīca”.

Roksta autore: Andra Zubko-Melne, bīdreiba “Sovim ļaudim”

Kalenders

Apr
25
Pīk
09:00 “Satiec savu meistaru 2025” @ Latgola
“Satiec savu meistaru 2025” @ Latgola
Apr 25 @ 09:00 – Apr 27 @ 16:00
Jau 17. reizi aprelī vysā Latvejā nūteik kasgadejais pasuokums “Satiec savu meistaru!”, kura laikā sevkurs interesents ir aicynuots dūtīs pi meistaru īpazeit i paraudzeit vysaidys tradicionalūs omotu prasmis.   Vaira par nūtikšonom Latgolā var izzynuot[...]
16:00 Rotko muzeja 12. dzimšonys dīna @ Rotko muzejs
Rotko muzeja 12. dzimšonys dīna @ Rotko muzejs
Apr 25 @ 16:00 – 18:00
Sovu divpadsmytū dzimšonys dīnu Rotko muzejs svieteis 25. aprelī 16.00 stuņdēs ar pavasara sezonys izstuožu katalogu prezentaceju i puorstuovātūs muokslinīku sumynuošonu. Kataloga attaiseišonys svātkus pīdzeivuos Rituma Ivanova personalizstuode “Templis”, siguldītis Ivetys Šmitys soloprojekts “Mežam ir[...]