Eisai pyrma Latvejis Republikys proklamiešonys 99. godadīnys raidejums “Pi myusim Latgolā” dazynoj, cik eisti ļauds ir patriotiski, i cik bīži patriotisms izapauž.

Latgolys kulturviesturis muzejā eisai pyrma svātku jau sastū godu piec kuortys nūtyka Latvejis karūga lenteišu lūceišonys akceja. Itamā akcejā pīsadaleja ari Rēzeknis školāni.

Anna Līpenīte Latgolys kulturviesturis muzejā bārnus vuiceja, kai pareizi salūceit lenteitis. Jei lelim i mozim apmaklātuojim vuica, ka pi drēbu kairajā pusē dasprausta Latvejis karūga lenteite ir cīnis aplīcynuojums i pīdereibys elements.

Itamā akceja dasadola ari Latvejis vaļsts Zemissardze i jaunsorgi, kuri vystīšuokajā nūzeimē saisteiti ar patriotismu i paruoda Latvejis dzeivuotuoju vielmi struduot sovys dzimtinis lobā.