“Kolnasāta” par pūļu etnografi Stefaneju Uļanovsku

“Kolnasāta” par pūļu etnografi Stefaneju Uļanovsku

“Kolnasātā” par pūļu folkloristi i etnografi Stefaneju Uļanovsku, kura 19. godu symta beiguos dokumentēja Viļānu apleicīni, radzātū i dzierdātū apkūpojūt dorbā “Pūļu Inflantejis latvīši”. Pyrma puors godu Latvejā izdeve faksimilizdavumu, sovpus itūgod izguoja Uļanovskys materialu apkūpuojums latvīšu literarajā volūdā. Par Stefaneju Uļanovsku i latgalīšu folkloru raidejumā teik izvaicuota Rēzeknis Tehnologeju akademejis asociātuo profesore, filologejis doktore Angelika Juško-Štekele.

Guntys Naglis sagataveitajā sižetā var dazynuot vaira par restauratora profeseju, sasateikūt ar Daugovpiļs nūvodpietnīceibys i muokslys muzeja muokslinīku i restauratoru Stanislavu Grahoļski. Jam vaļsts svātku laikā padūta Daugovpiļs piļsātys Goda bolva.

Literaturkritikys rubrikā “Kolnasātys gruomotplaukts” Oskars Orlovs aba Raibīs stuosta par Anitys Mileikys dzejis kruojumu “mūžīgā nepārtikusī stirna”, latgalīšim i Latvejis literaturys bolvom.

Kalenders

May
23
Pīk
14:00 Gruomotys “Fotogrāfi Daugavpilī ... @ Daugovpiļs Nūvodpietnīceibys i muokslys muzejs
Gruomotys “Fotogrāfi Daugavpilī ... @ Daugovpiļs Nūvodpietnīceibys i muokslys muzejs
May 23 @ 14:00 – 15:30
Nikolaja Škuta gruomotā “Fotogrāfi Daugavpilī 1920-1940” apsavārtys Daugovpiļs 39 fotografu i fotosalonu kartenis, dagrīžūt viereibu tūs zeimūgim, izmontuotajam fotopapeiram i fotografeju izgataveišonys laikam.