“Pi myusim Latgolā” par jaunom gruomotom latgalīšu volūdā

“Pi myusim Latgolā” par jaunom gruomotom latgalīšu volūdā

Novembra beigos 10. latgalistikys konfereņcis ītvorūs Rēzeknis Tehnologeju akademejā tyka atdareitys div jaunys gruomotys latgalīšu volūdā. Gruomotu atdareišonys pausokumus apmeklēja ari radejis raidejuma “Pi myusim Latgolā” veiduotuoji.

Kārļa Skalbis puosoka “Kaķīša dzirnavas” aba “Kačeiša patmalis” ir spieceigs muokslys dorbs – stuosts par kačeiti, kurs izīt gryutū dzeivis ceļu na praseidams, tok dūdams. 2014. godā itei gruomota tyka atzeita par nacejis meiluokū gruomotu. Niu izdavums ar muokslineicys Ievys Jurjānis ilustracejom, pīdzeivuojs latgaliskū puorlykumu.

Dorbam pi jaunūs ilustraceju muokslineicu aicynuoja izdevnīceiba “Latvijas mediji”. Kod dorbs pi jaunūs zeimiejumu radeišonys bejs tyvai nūbeigumam, Ieva Jurjāne nūbrauce vuiceitīs latgalīšu volūdu pi Marutys Latkovskys. Tod ari dzyma dūma par ituos puosokys puorlykumu latgaliski.

Latgalistikys konfereņcē tyka atdareita ari ūtra gruomota – dzejūļu kruojums “Pistacejis”, kuruo autors ir Raibīs aba Oskars Orlovs. Itei ir jau trešuo autora gruomota, kurymā jis sagloboj sovu sarkastiskū stilu. Par dzejūļu kruojuma “Pistacejis” saturu autors soka, ka tī dzejā salykti poša pīdzeivuojumi i puordzeivuojumi.

Vīna nu latgalistikys konfereņču organizatoru Ilga Šuplinska pastreipoj, ka div gruomotys latgaliski jau ir lels īgivums, tok dīvamžāļ latgalīšu skaiteituoju ir mozuok kai raksteituoju.

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]