17. decembrī literatam Pīteram Jurciņam palyktu 85. Policists ar dzejnīka dvēseli, tai varātu raksturuot Pīteri Jurciņu. Daudzu cylvāku atmiņā palics ar dzīsmi “Vuolyudzeite”, kurai sarakstejs i vuordus, i meļdeņu. Pīters Jurciņš leidzuos jau ari myužeibā aizguojušajam Andram Viejānam i Ontonam Kūkuojam ir dzejnīks, kurū zyna na tik Latgolā, nu vysā Latvejā. Sovuos atmiņuos par Pīteri doluos Nautrānu vydsškolys direktore Anita Ludborža i Latvejis Radejis producente Alda Briede. 

Taipat raidejums viestej par jaunumim latgalīšu literaturā – latgaliski izdūta Kārļa Skalbis puorsoka “Kačeiša patmalis”. Sovu rūku pi gruomotys izdūšonys dalykuse ilggadeja žurnala “Katōļu Dzeive” redaktore Maruta Latkovska, ilustracejis veiduojuse muokslineica Ieva Jurjāne.