Latgalīšu muzikis Arņs Slobožanins i mārgu grupys “Piparmētra” dalineica Jana Dudare pīduovuoj jaunu dzīsmi “Satinušies”.

Dzīsmis muzykys autori ir Arņs Slobožanins i Laura Tvintike, teksta autors – Arņs Slobožanins.

Arņs par dzīsmis rasšonūs stuosta: “Dzīsmis muzykys aizmetņu autore ir Laura Tvintike, kas Ilūkstis bārnu i jaunīšu centrā vuicuos spielēt basgitaru. Basgitarys rifs īsasāda golvā, i pa ceļam nu Ilūkstis iz Daugovpili izdūmovu vuordus i melodeju.”