Iz muzykys bolvu “Zalta mikrofons” pretendej latgaliskuo muzyka

Iz muzykys bolvu “Zalta mikrofons” pretendej latgaliskuo muzyka

Paziņuoti muzykys īrokstu goda bolvys “Zalta mikrofons” (Zelta mikrofons) pretendeti, storp tim ari Latgolys muziki i ar Latgolu saisteiti īroksti. Bolvu padūs 2017. goda spylgtuokajim muzykys īrokstim i nūzaris puorstuovjim.

Kategorejā “Šlagera muzykys albums” nomināta grupa “Galaktika” ar albumu “Sirds vēl tic”. Nominacejā “Tautys i pasauļa muzykys albums” iz bolvu pretendej Kārlis Kazāks ar albumu “Dzirdi balsis”, kurā īkļautys ari dzīsmis Latgolys īzlūksnēs. Itai nominacejai izvirzeits “Auļu” i “Tautumeitu” albums “Lai māsiņa rotājās!”, kurymā īraksteitys vairuokys dzīsmis latgaliski – tūs vydā ari eipaši energiskais “Aulejas klezemers”.

Izvirzeits ari Stanislava Judina i Asnatis Rancānis, kas vaira zynoma kai “Tautumeitu” dalineica, kūpdorbs – albums “OP.2”. Itys albums izvirzeits ari nominacejā “2017. goda lobuokais dizains”


 

“Tautumeitu” i “Auļu” kūpdorbs, koncertīroksts “Lai māsiņa rotājas”, pretendej iz bolvu kategorejā “Lobuokais koncertīroksts”.



Nominacejai “Akademiskuos muzykys albums” izvirzeits latgalīšu literatei Bronislavai Martuževai veļteitais albums “Rakstītāja”.

Bolvys “Zalta mikrofons” padūšonys ceremoneja nūtiks 27. febaruarī Reigā Dailis teatrī. 

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]