Lūznovys muižā 10. februarī nūtiks kamermuzykys programys “Pasauļa muzyka i latgalīšu dzeja” pasuokums, kurymā sasaveis ansambļa “Brokastis četratā” spālātuo pasauļa muzyks klasika džeza apdarē i latgalīšu literata Raibuo dzeja.

“Brokastis četratā” dalinīki ir profesionali muziki, kurim pateik rast prīcu muzykā – pianists Muorteņš Zilberts, kontrabasists Juoņs Stafeckis, flautists Andis Klučnieks i sytominstrumentālists Aivars Krastiņš. Ansambļa lūma Latvejis profesionaluos muzykys vidē ir eipaša, jo pīduovoj unikalu klasiskuos muzykys i džeza sintezi.

Raibīs latgalīšu literaturā debitēja 2011. godā ar stuostu kruojumu “Pyrma syltī”, ūtrais stuostu kruojums “Zalta tesmini” izguoja 2015. godā. Sovpus pārn Andrejdīnā Raibīs prezentēja sovu pyrmū dzejis kruojumu “Pistacejis”, ailis nu tuo skanēs ari Lūznovā.

Pasuokums nūtiks Lūznovys muižys Sorkonajā zalā 15:00 stuņdēs.

Raibīs skaita sovu dzeju raidejumā “Kultūras Rondo”