Izsludynuots vizualuos muokslys konkurss “Kruosu roksti Latgolā”

Izsludynuots vizualuos muokslys konkurss “Kruosu roksti Latgolā”

Bārnus i jaunīšus aicynoj pīsadaleit storpnūvodu vizualuos muokslys konkursā “Kruosu roksti Latgolā” (Krāsu raksti Latgalē).

Konkursa aizdavums ir apzynot i cyldynuot Latgolys kulturys vierteibys interaktivā veidā – ļaunūt bārnim i jaunīšim radeit sovus dorbus, kurus ir īdvesmuojušs latgalīšu muokslinīku daiļdorbi i literatu teksti.

Dalinīkam ir juoizavielej vīns latgalīšu muokslinīka i vīns latgalīšu literata dorbs. Muokslinīka dorbs ir juoizprintej i piečuok juosataisa linears zeimejums iz boltys lopys. Daži kompozicejis laukumi ir juoaizpylda ar kruosainom aplikacejom. Tī, kas palykuši breivi, juoaizpylda ar tekstu (dzejūļs, stuosts, stuosta fragments i tt.) latgalīšu volūdā, izmontojūt malnu rapitografu, markīri i tt. Konkursa nūlykumā ir pīejams īsnādzamuo dorba paraugs i latgalīšu literaturys tekstu saroksts.

Leidz 2018.goda 30.apreļam sevkurs bārns ci jaunīts nu 7 leidz 18 godu vacumam, kas dzeivoj Bolvūs, Bolvu, Baļtinovys ci Ruguoju nūvodā, ir aicynuots jimt daleibu vizualuos muokslys konkursā.

Konkursa nūlykums i vaira informacejis creativeideas.lv.

Kalenders

Feb
8
Sai
all-day Izstuode “Baba, kurū škārsteikla... @ Kuorsovys kulturviesturis centrs "Līču mājas"
Izstuode “Baba, kurū škārsteikla... @ Kuorsovys kulturviesturis centrs "Līču mājas"
Feb 8 all-day
Baba ir Latgolys fenomens, kura oda zečis, skaita gazetys, marinej konservus zīmai, slauc gūvs i iz pīna golda nūdūd pīnu, ravej duorzu, cap špeka peirāgus i dora cytys lītys, kū babys parosti dora. Tok taidys[...]
15:00 Koncerts “Sadziedami – sadzīdami!” @ Kulturtelpa "Tintnīca"
Koncerts “Sadziedami – sadzīdami!” @ Kulturtelpa "Tintnīca"
Feb 8 @ 15:00 – 17:00
Kod dīnys palykušys garuokys i gaisā jiutama pavasara tyvuošonuos, 8. februarī 15.00 stuņdēs Latvejis Nacionaluo rakstnīceibys i muzykys muzeja kulturtelpā “Tintnīca”, Reigā, Pulka īlā 8, sīviškeiguos “Stiprās sievas” nu Reigys i Līpuojis i šarmantuos latgalītis[...]