Atsasaucūt Vaļsts prezidenta Raimonda Vējoņa i Latvejis Rūmys katuoļu Bazneicys īlyugumam, 2018. goda 24. septembrī pastoralajā vizeitē Latvejā īsarass Juo Svieteiba pāvests Francisks. Vizeitis laikā pāvests apmeklēs  Aglyunu.

Vizeitis laikā pāvests tiksīs ar Vaļsts prezidentu Raimondu Vējoni, Latvejis augstuokajom amatpersonom i sabīdreibys puorstuovjim, pīsadaleis svineigajā zīdu nūlikšonys ceremonejā pi Breiveibys pīminekļa, kai ari apmeklēs Latgolu.

Planavuots, ka vizeitis laikā pāvests pīsadaleis ekumeniskajā dīvkolpuojumā Reigys Dūma bazneicā, kai ari celebrēs Svātū Misi Aglyunys bazilikā.

Vizeitis laikā Baļtejis vaļstīs nu 22. leidz 25 septembram pāvests Francisks apmeklēs ari Viļņu, Kauņu i Tallinu.

Itūgoda paīt 25 godi nu pāvesta Juoņa Pāvila II vizeitis Latvejā, vaira par juo vizeiti var skaiteit rokstā “Pāvests Juoņs Puovuls II i Aglyuna”.