Konkursūs par radejis i televizejis raidejumu veiduošonu Latgolā sajimti 10 pīteikumi

Konkursūs par radejis i televizejis raidejumu veiduošonu Latgolā sajimti 10 pīteikumi

Nacionaluos elektroniskūs plašsazinis leidzekļu padūmis (NEPLP) izsludynuotajūs konkursūs par radejis i televizejis raidejumu veiduošonu 2018. godā Latgolā sajimti 10 pīteikumi. Konkursa mierkis ir sabīdreibys salīdiešona, nacionaluos identitatis i vaļsts volūdys pozicejis nūstyprynuošona. Nūsacejumi paredz, ka pīteikumus varēje īsnīgt ari par raidejumu veiduošonu latgaliski.

Konkursā par radejis raidejumu veiduošonu sajimti seši pīteikumi. Raidejumu veiduošonai latvīšu volūdā pīsateikušs SIA “DMCS”, bīdreiba “Kultūras iniciatīvu un realizāciju apvienība” i SIA “Divu krastu radio”, bet radejis raidejumu veiduošonai mozuokumtauteibu volūduos – SIA “DMCS, bīdreiba “Kultūras iniciatīvu un realizāciju apvienība” i SIA “Ef-Ei”.

Sovpus konkursā par televizejis raidejumu veiduošonu pīsateikušs četri pretendenti – SIA “Studija 3KM”, SIA “Dautkom TV”, bīdreiba “Latgolys entuziastu grupa “Biļdis”” i SIA “Latgales reģionālā televīzija”.

Obeju konkursu finansiejums ir 71 144 euro, attīceigi konkursam par radejis raidejumu veiduošonu paradzāti 40 000 euro (raidejumim latvīšu volūdā – 20 000 euro i raidejumim mozuokumtauteibu volūduos – 20 000 euro), sovpus televizejis raidejumu veiduošonai paradzāti 31 144 euro. Konkursa finansiejumu veidoj leidzekli, kas NEPLP pīškierti sabīdreibys salīdiešonys, nacionaluos identitatis i vaļsts volūdys pozicejis nūstyprynuošonys pasuokumu ītvorūs. Lāmumu par konkursa rezultatim NEPLP pījims ni vāluok kai leidz ituo goda 5. apreļam. Raidejumus planavuots izplateit suokūt nu ituo goda maja, leidz pat goda beigom.

Viests sagataveita piec NEPLP snīgtuos informacejis

Print Friendly, PDF & Email

Kalenders

Jun
19
Tre
13:00 Latgolys muzykys i muokslys vyds... @ Latgolys viestnīceiba "Gors"
Latgolys muzykys i muokslys vyds... @ Latgolys viestnīceiba "Gors"
Jun 19 @ 13:00 – 15:00
Marts Dreļs – Koncertprograma “Cikliskās pārdomas”. Marts muzykali īsatekmiejs nu tautys, džeza i akademiskuos muzykys. Koncertā izskanēs div Marta Dreļa originalkompozicejis: “Aiz stūra” i “Kādā veidā?”. Marta muzykalī celi nuokūtnē vess iz Kopenhagenu, kur jis[...]
Jun
20
Cat
15:00 Etnografejis izstuodis “Atpakaļ ... @ Daugovpiļs Nūvodpietnīceibys i muokslys muzejs
Etnografejis izstuodis “Atpakaļ ... @ Daugovpiļs Nūvodpietnīceibys i muokslys muzejs
Jun 20 @ 15:00 – 16:30
20. junī 15.00 stuņdēs Daugovpiļs Nūvodpietnīceibys i muokslys muzejā tiks atkluota etnografejis izstuode nu muzeja kruojuma “Atpakaļ mājās”. Izstuodē eksponāti autentiski prīškmati, kas tyka lītuoti 20. g. s. pyrmajā pusē – dorbareiki, sadzeivis prīškmati. Etnografejis[...]