Bolvūs atkluos skveru par gūdu bazneickungam Ontonam Rimovičam

Bolvūs atkluos skveru par gūdu bazneickungam Ontonam Rimovičam

Vaļsts svātku laikā, 4.majā, Bolvūs svieteis pasuokumus par gūdu Latvejis symtgadei i goreidznīka, kūktielnīka i Bolvu mīsta dyybynuotuoja Ontona Rimoviča pīmiņai. Tī suoksīs 11.00 stuņdēs ar Svātū Mišu Bolvu Rūmys katuoļu bazneicā, 12.30 stuņdēs svineigi atkluos Ontona Rimoviča skveru. Nu 3.maja Bolvu Nūvoda muzejā byus apsaverama izstuode “Antons Rimovičs: Dievam un Cilvēkam”.

Ideja gūdynuot Ontonu Rimoviču guoja nu jau myužeibā aizguojušuo Bolvu nūvoda Tiļžys draudzis pravesta Aļberta Budžis, kurs beja īsacejs kaidai nu Bolvu īlom dūt Ontona Rimoviča vuordu. Tai kai īlu nūsaukumu maiņa ir cīši sarežgeits process, tyka nūlamts, ka laukumu sūpluok Bolvu Sakraluos kulturys centram varātu izveiduot kai Ontona Rimoviča skveru. Tiks uzstuodeits ari pametnīks.

Goreidzinīks Ontons Rimovičs Bolvūs kolpuojs vysiļguok – nu 1897. leidz 1914. godam, ap bazneicu puļceidams ļauds i sekmādams mīsta atteisteibu. Jū par Bolvu mīsta dybynuotuoju ir nūsaucs Benedikts Skrynda. Bazneicuos, kuruos jis kolpuojs, Ontons Rimovičs gribiejs uzlobuot interjeru, deļtam tik daudz ari nūsadorbuojs ar kūktielnīceibu. Kod jam pīduovuots jimt daleibu izstuodēs, asūt atsasacejs. Teik skaiteits, ka jis ir izgatavuojs vairuokus symtus dorbu. Daļa ir guojuse zudeibā.

Viests sagataveita piec Bolvu nūvoda snāgtuos informacejis

Nūtikšonu kalendars