Tūp „Lutišķi. Simtgade” – izruode par dzeivi Latvejis austrumu pīrūbežā

Tūp „Lutišķi. Simtgade” – izruode par dzeivi Latvejis austrumu pīrūbežā

27. aprelī Daugovpiļs teatrī pyrmizruodi pīdzeivuos īstudiejums “Lutišķi. Simtgade”. Izruode byus kai sabīdreibys spīgeļattāls iz vaļsts symtgadis slīkšņa, darbeiba nūsarysynoj īdūmuotā Latvejis austrumu pīrūbežys cīmā.

Stuosta varūni ir cīma dzeivuotuoji i jauna redzineica, kas ar vītejuo amatirteatra paleidzeibu cer Latvejis symtgadei par gūdu īstudēt Raiņa lugu “Spēlēju, dancoju”. Jaunītis lūluotuos iluzejis pamozom bryuk realitatis prīškā: lugys īstudiešonu apdraud na viņ radūšuos komandys volūdu barjera, bet ari atbylstūša finansiejuma i telpu tryukums.

Izruodē “Lutišķi. Simtgade” tiks apvīnuotys divejis myusu sabīdreibā leidzpastuovūšys kūpīnys, i skateituojam byus vareiba pasavērt iz tuom nu jauna, naatkareigā Latvejā dzymuša cylvāka acim.

Izruodi veidoj režisore Paula Pļavniece, dramaturge Justīne Kļava i muokslineica Dace Sloka.

Radūšuo komanda atzeimoj, koč ari izruodi veiduot mudynuoja personeiguo pīredze, vysi tāli stuostā byus izdūmuoti, hiperbolizāti i sevkura sakriteiba i saisteiba ar realū dzeivi i tālim byus skateituoja poša pīnāmums.

Viests sagataveita piec Daugovpiļs teatra snāgtuos informacejis
Karteite: publicitatis foto

Print Friendly, PDF & Email

Nūtikšonu kalendars

May
18
Tre
15:00 Lienītis Slišānis izstuodis “Uzd... @ Latvejis Nacionaluo teatra Jaunuo zale
Lienītis Slišānis izstuodis “Uzd... @ Latvejis Nacionaluo teatra Jaunuo zale
May 18 @ 15:00 – 16:30
Nu 10. maja Latvejis Nacionaluo teatra Jaunajā zalē apsaverama Lienītis Slišānis izstuode “Uzdevums”. Izstuodi īspiejams apmeklēt stuņdi pyrma izruožu suokuma i izruožu laikā. Lienīte Slišāne ir gaismu muokslineica i 2020. goda beiguos sajēme “Spēlmaņu nakts”[...]
16:00 Maja dzīduojumi pi krysta ar etn... @ Mozūs Ratnīku krysts
Maja dzīduojumi pi krysta ar etn... @ Mozūs Ratnīku krysts
May 18 @ 16:00 – 17:30
Majs katuoļu bazneicys kalendarā ir Svātuos Jaunovys Marijis mieness – laiks, kod Vabalē teik izpuškuoti ceļa molys krysti i nūteik maja dzīduojumi. Ari itūgod, saglobojūt vīnu nu namaterialuo kulturys montuojuma tradiceju, pogosta ļauds teik aicynuoti[...]
19:00 Teuvo Tulio filma “Mīlestības kr... @ "Splendid Palace"
Teuvo Tulio filma “Mīlestības kr... @ "Splendid Palace"
May 18 @ 19:00 – 21:00
KINOLEKTOREJS “TAS, KO TU NEDRĪKSTI NEZINĀT XVII: MĀJUP” “Mīlestības krusts”, “Rakkauden risti”, 99’, 1946, Teuvo Tulio, Sūmeja Lektore: Kristīne Želve   Sovpateiguo Sūmejis kino legenda, akters i režisors Teuvo Tulio (dzims Teodors Tugajs) ir izaudzs[...]