Tautys muzykantu saīts i daņču vokors Rogovkā “Večerinka “O, bļaka!””

Tautys muzykantu saīts i daņču vokors Rogovkā “Večerinka “O, bļaka!””

Kotru godu maja beiguos Rogovkā, dzejnīka Ontona Kūkoja dzymtajā pusē, nūteik tautys muzykantu saīts ar nūsaukumu “Večerinka “O, bļaka!””. Ari itūgod bīdreiba “Rogovkīši” 26. majā 20.00 stuņdēs septeitū reizi aicynoj iz tautys muzykantu i daņču vokoru.

Daleibu pasuokumā “Večerinka “O, bļaka!”” ir sūlejušs na tikai vītejī tautys muzykanti, bet ari Brīžucīma, Zvirgzdinis, Alūksnis, Drycānu kapellys, Saļnovys daņču muzykanti, grupys “Trikmiņs” i “Ceļinieks”, ari tautys muzykanti no tuoluokys apleicīnis – Bolvu, Medņevys, Vactilžys, Ilziskolna, Kaunatys, Rēzeknis i c.

Vuords “bļaka” latgaliski nūzeimoj “skuorda lūksne”, pa kuru uzsytūt, skaņa ir tuoli dzieržama. Izsaucīņs “O, bļaka!” rodīs kūpeigys muziciešonys laikā Ontona Kūkoja dzymtajā sātā, kur bļaka tyka izmontuota kai muzykys instruments, pa tū uzsytūt ar pagali. Piec Ontona Kūkoja aizīšonys myužeibā Nautrānu pogosta puorvaļde īdybynova tradiceju reikuot tautys muzykantu saītu ar Ontona Kūkoja dūtū nūsaukumu “Večerinka “O, bļaka!””.

Viests sagataveita piec Rēzeknis nūvoda snāgtuos informacejis. Karteite: lakuga.lv arhivs.

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]