8.junī, pīktdiņ, jau caturtū reizi Daugovpiļs cītūksnī nūtiks Muokslys nakts, kū organizej Daugovpiļs Marka Rotko muokslys centrs. Itamā godā pasuokuma devize ir “Sīvīte muokslā”. Apmaklātuojim byus īspieja baudeit dažaidys muokslys performaņcis, foto izstuodis, vērtīs kinys i teatra izruodis, i īsasaisteit vysaiduos muokslinīciskuos aktivitatēs nu plkst. 22.00 leidz pat 02.00.

Nikolaja tylts puortaps par apvīneibys V.I.V.A. glaznuotoju tyltu, Imperatora īlys fasadis lūgūs dažaidus cylvākstuostus atkluos LV21 fotoprojekts, sovukuort Cītūkšņa zyrgs spūkuosīs gaismys rokstūs. Byus ari mūdis skate, dažaidys muzykaluos aktivitatis, i vysbeidzūt ari Daugovpiļs Teatra prīkšnasums “Džeina Eira”. Muokslys nakts programu papyldynuos Zvīdru filmu nakts – byus īspieja nūsavērt slovonuo zvīdru režisora Ingmara Bergmana kinu.

Vysa pasuokuma programa apsaverama ite.

Pyrma Muokslys nakts ir īspieja apmeklēt ari Latgolys Centralū biblioteku, kur plkst. 15.00 tiks atkluota izstuode “Sīvītis Latvejis muokslā” i prezentāti diveji muokslys katalogi. Vāluok Latgolys Centralajā bibliotekā tiks atkluota 7. Latgolys grafikys simpozeja izstuode.

Publicitatis karteite