Latgolys Kulturviesturis muzejs sajiems bolvu par izstuodi “Puori slīkšņam”

Latgolys Kulturviesturis muzejs sajiems bolvu par izstuodi “Puori slīkšņam”

25.majā, atzeimojūt Storptautiskū muzeja dīnu, Oskara Kalpaka muzejā i pīminis vītā “Airītes” deveitū reizi tyka pasnāgta Latvejis Muzeju bīdreibys Goda bolva 2018. Bolvu nominacejā “Goda tematiskuo izstuode 2018” sajēme Latgolys Kulturviesturis muzejs Rēzeknē par izstuodi “Puori slīkšņam”.

Izstuodis “Puori slīkšņam” veiduotuoji, Latgolys Kulturviesturis muzeja specialisti. Fotokarteitis autors: Aleksandrs Bondarenko

Izstuode viestej par Latgolys Pyrmū kongresu, kurā tyka pījimts lāmums par Latgolys atsadaleišonu nu Vitebskys gubernis i apsavīnuošonu ar puorejim Latvejis nūvodim. Itys lāmums beja izškirūšs turpmuokajim nūtykumim, kod 1918.goda 18.novembrī tyka proklamāta Latvejis Republika. Izstuode ir ari lobs pīmārs Latgolys muzeju i Latvejis kulturys i gareidznīceibys instituceju sadarbeibai kūpeja rezultata veiduošonā.

Ceremonejis laikā tyka pasnāgtys 12 golvonuos bolvys taidim muzejim kaiLatvejis Dobys muzejs, Cēsu Viesturis i muokslys muzejs, Latvejis Kara muzejs, Latvejis Nacionalais muokslys muzejs i c.

Latvejis Muzeju bīdreibys Goda bolvys mierkis ir sekmēt ilgtspiejeigu i kvalitativu muzeju nūzaris atteisteibu Latvejā. Bolva izceļ muzeju radeitū produktu kvalitati, pīejameibu i nūzeimi sabīdreibā.

 

Print Friendly, PDF & Email

Kalenders

May
30
Cat
13:00 Daugovpiļs piļsātys svātki @ Daugovpiļs
Daugovpiļs piļsātys svātki @ Daugovpiļs
May 30 @ 13:00 – Jun 2 @ 19:00
Nu 31. maja da 2. juņa Daugovpiļs piļsāta svieteis sovu 749. dzimšonys dīnu, aicynojūt daugovpilīšus i gostus iz kūpeigom svineibom – piļsātys svātkim „Mana pils – Daugavpils!”. Treis dīnu garumā byus vareiba baudeit vysaidys koncertprogramys,[...]
13:00 Sasatikšona ar Juri Cybuli @ Reigys Centraluos bibliotekys Grīziņkolna filialbiblioteka
Sasatikšona ar Juri Cybuli @ Reigys Centraluos bibliotekys Grīziņkolna filialbiblioteka
May 30 @ 13:00 – 14:30
30. majā 13.00 stuņdēs RCB Grīziņkolna filialbiblioteka (Alauksta īlā 10) aicynoj iz sasatikšonu ar Juri Cybuli. Jurs Cybuļs ir volūdnīks, tulkuotuojs, publicists i školuotuojs, kurs vaira nakai 40 godu pietej i kolekcionej ābecis. Jurs Cybuļs[...]