Kur i kai svinēt vosorys saulgrīžus Latgolā?

Kur i kai svinēt vosorys saulgrīžus Latgolā?

Vosorys saulgrīži “Baltica” nūskaņuos Viļakā

Viļaka 21. junī aicynoj iz symtgadis vosorys saulgrīžu sagaideišonu piļsātys stadionā, kab kūpā īdzeivynuotu i gūdynuotu latvīšu daudzveideiguos i bogoteiguos vosorys saulgrīžu sagaideišonys i sviniešonys tradicejis. Juoņu īleiguošona suoksīs jau 15.00 stuņdēs, bet nūslāguma pasuokums 19.00 stuņdēs. Vokora koncertā kūpā ar folklorys kūpom varēs izdzeivuot Juoņu dīnu nu agra reita leidz vālam vokoram.

 

Latgaliskī saulgrīži Latvejis pīrūbežā

22. junī iz vosorys saulgrīžu sviniešonu aicynoj Viļakys nūvoda Upīte pošā Latvejis pīrūbežā. Svineibys suoksīs 21.00 stuņdēs parkā “Ontona Slišāna duorzs” kūpā ar folklorys kūpu “Upīte”. Vokora turpynuojumā uzastuos grupa “Unknown Artists”, DJ M&M, DJ NONAME.

Kazimira Adamoviča pīdzeivuojumi Vyšķūs

Iz ļusteigu leiguošonu Daugovpiļs nūvoda Vyšķūs 23. junī aicynoj Kazimirs Adamovičs i Latgolys muziki.

Nu 19.00 stuņdem Vyšķu estradis teritorejā byus muojražuotuoju i amatnīku tierdzeņš, radūšuos darbneicys i cytys aktivitatis. 20.00 stuņdēs estradē suoksīs svātku izvadums “Operaceja “Penseja” i cyti Kazimira Adamoviča pīdzeivõjumi”, kurā tiks rysynuoti jauni izaicynuojumi golvonuo varūņa dzeivē. Uzvadumu muzikali bogotynuos muziki Jurs Ostrovskis, Dainis Skutelis, Sandis Ulpe i grupys “Latgales Dāmu Pops” i “Dabasu Durovys”, kai ari cyti muziki. Byus ari Juoņu nakts zaļumbals ar Daini Skuteli i grupu “Mõrys Olūts”.

 

Lelais latgaļu tiergs Ludzā Leigū dīnā

Itūgod 23. junī jau 10. reizi Ludzys piļskolnā nūtiks Lelais latgaļu tiergs, iz kuru sabrauks Latgolys i puornūvodu saiminīki i meistari ar sovim ražuojumim, kai ari byus vuocīšu, lītuvīšu gostu darynuojumi i prasmju demonstriejumi.

Lelajā latgaļu tiergā varēs izbaudeit Dobys školu ar veseleibys čaju meistaru dr. Artūru Tereško, īgiut jaunys zynuošonys par Saulgrīžu svātku tradicejom, pagasteit Kroma kolna latgaļu apmetnī, redzēt vydslaiku teatri nu Polockys i klauseitīs latgalīšu dzīsmēs, baudeit sīru, olu, dažaidus gordumus i īsavuiceit sīt Latgolys pakša sīru kūpā ar sīru meistari Lidiju Lubāni. Byus padūmuots ari par bārnim – byus senejis kaitys i vyzynuošonuos ar zyrgim, atrakcejis.

Juoņa dīna kūpā ar Ontonu i Anni Aizkaļnē

Kuorteigi izasmīt latgalīšu gorā varēs 24. junī Aizkalnē Preiļu nūvodā. Jasmuižys parka estradē 13.00 iz skotuvis kuops Baļtinovys pogosta dramatiskais kolektivs “Palādas” ar Danskovītis komedeju “Lauku kūrorts piļsātnīkim”. Leita gadīnī izruode nūtiks Aizkaļnis Tautys nomā.

Print Friendly, PDF & Email

Kalenders

May
19
Svā
all-day Foto muokslinīka Juoņa Gleizda s... @ Latgolys viestnīceiba "Gors"
Foto muokslinīka Juoņa Gleizda s... @ Latgolys viestnīceiba "Gors"
May 19 all-day
Nu 9. apreļa da 19. maja Latgolys viestnīceibys “Gors” Muokslys galerejā i pyrmuo stuova seminaru telpā eksponāta foto muokslinīka Juoņa Gleizda symtgadei veļteita izstuode “GAISMĀ. punkts”, informej “Gora” puorstuove Santa Kļaviņa. Izstuode sastuov nu Juoņa[...]
all-day Latgolys grafikys simpozeja izst... @ Rotko muzejs
Latgolys grafikys simpozeja izst... @ Rotko muzejs
May 19 all-day
Pīktdiņ, 22. martā, 16.00 stuņdēs Rotko muzejā nūtiks 12. Storptautyskuo Latgolys grafikys simpozeja nūslāguma izstuodis atkluošona i muokslinīku gūdynuošona.   Storptautyskais Latgolys grafikys simpozejs, kas itūgod nūteik nu 8. da 22. marta, jau divpadsmytū reizi[...]
all-day Rotko muzeja pavasara sezonys iz... @ Rotko muzejs
Rotko muzeja pavasara sezonys iz... @ Rotko muzejs
May 19 all-day
1. martā ar četrom jaunom Latvejis muokslinīku izstuodem tiks atkluota Rotko muzeja pavasara sezona. Kai informej muzeja puorstuovi, tamā byus apsaverama izstuode “Bastions”, kuru veiduojuse vīna nu Latvejis laikmeteiguos gleznīceibys spūdruokūs muokslineicu – Frančeska Kirke, fotografa[...]