Saeima trešdiņ, 20. junī, trešajā lasejumā atbaļsteja grūzejumus lykumā  “Par svētku, atceres un atzīmējamām dienām”, kas par atzeimojamū dīnu nūsoka 27. apreli – Latgolys kongresa dīnu.

27. apreļs ir viesturiskuo 1917. goda Latgolys latvīšu kongresa lāmumu pījimšonys datums. Šymā kongresā pījimtī lāmumi veidoj pamatu Latvejis vaļstei i Latvejis Satversmei.

27. apreli īkļaun atzeimojamūs dīnu sarokstā, kab caltu Latgolys latvīšu pošapziņu, styprynuotu regionalū identitati, izruodeitu cīņu viesturiskajim ar vaļsts izveiduošonu saisteitajim nūtykumim, kai ari veicynuotu latgalīšu īsasaisteišonu pylsūniskajuos aktivitatēs, lykumprojekta anotacejā atzeimoj autori.

Viests sagataveita piec Saeimys Presis dīnasta snāgtuos informacejis.