Leivuonā nūtiks muokslys eksperimenti

Leivuonā nūtiks muokslys eksperimenti

Myusdīnu muokslys galereja nu 14. leidz 19.juļam organizēs bezmoksys pasuokumu cyklu “Skotivis muokslys laboratorejis”. Pasuokumi tiks veiduoti kai eksperimentalys “laboratorejis”, atsakuopjūt nu normom i tradicejom, ļaunūt eksperimentēt i sekuot nazynuomajam.

14.julī Leivuona divu daudzdzeivūkļu sātu pogolmūs nūtiks teatra izruode bārnim “Nāc laukā!”. Aktīrs i režisors Kārlis Krūmiņš atkluoj, ka muzykaluo izruode byus par laiku pyrma interneta i par laiku niu – par nadorbim i cālsirdeibu, par kauteņim i pyrmū mīlesteibu.

17.julī Myusdīnu muokslys galerejā nūsarisynuos div Reigys cyrka školys meisardarbneicys. “Reigys cyrka školys darbneicā” bārnim vacumā nu 8 leidz 12 godim byus īspieja atteisteit sovu fiziskū sagatavuoteibu i īpazeit dažaidys cyrka rūtalis. Ūtra byus “Žongleišonys meisardarbneica”, kur varēs jimt daleibu ari pīaugušī.

18.julī Myusdīnu muokslys galerejā gasteis vīns nu pazeistamuokajim Latvejis repa muzikim – ansis. Jis vadeis Leivuona jaunīšim repa meistarklasi (rodūšuos i skotivis muokslys prasmis, teksta i vokala nūzeime repa muzykā, tehnika i ritma zeimejums) i vāluok snīgs bezmoksys koncertu laukumā pi galerejis.

Nu 16. leidz 19.juļam galerejā nūsarysnuos “Sajiutu laboratoreja” aba sajiutu teatra meistardarbneica režisoris Lienas Šmukstes vadeibā ar meistardarbneicys nūslāgumu – izruodi 19.juļa vokorā.

Preciza pasuokumu programa tyvuokajā laikā byus pīejama ite.

Kalenders

Jul
12
Sai
all-day Rāznys Nacionaluo parka Ceļuotuo... @ Rāznys Nacionalais parks
Rāznys Nacionaluo parka Ceļuotuo... @ Rāznys Nacionalais parks
Jul 12 – Jul 13 all-day
Ar pasuokumu programu var īpasazeit ITE.
15:00 Muokslys pikniks @ Lūznovys muiža
Muokslys pikniks @ Lūznovys muiža
Jul 12 @ 15:00 – 22:00
Lūznovys muižys kompleksā i muižys parkā rodūšuma i garšu meistardarbneicys, izruodis, izstuodis, koncerti, pleners i cytys rodūšuos aktivitatis. Muzicēs: Baļtejis muosys (Latveja/Igauneja/Leitova), UZVARAS BULVĀRIS, NIKA GANGA (Leitova), DALUM (Koreja) i vītejuo grupa “Autobuss debesīs”.
18:00 Izruode “Mazpiļsāta” @ Saulkrostu breivdobys estrade
Izruode “Mazpiļsāta” @ Saulkrostu breivdobys estrade
Jul 12 @ 18:00 – 20:00
“Pannas Teātris” skateituojim pīduovoj izruodi – slovonuokuos myusu dīnu Latgolys lugu autoris Danskovītis jaunuokū komedeju. Izruodis režisors Juris Rijnieks liks akterim Zanei Daudziņai, Aldim Siliņam, Elīnai Vānei, Jānim Skanim voi Jurim Lisneram runuot ari latgaliski[...]