Sastdīnēs varēs dūtīs ekskursejuos iz Latgolys viestnīceibu GORS

Sastdīnēs varēs dūtīs ekskursejuos iz Latgolys viestnīceibu GORS

Taipoš kai īprīkšejuos vosoruos ari itūgod Latgolys viestnīceiba GORS sastdīnēs aicynoj izzynuot koncertzala telpys i stuostus. Šūvosor ekskursejis nūtiks sastdīnēs 13.00 stuņdēs i byus pīduovuotys leidz 25. augusta, informej koncertzala marketinga nūdalis vadeituoja Edeite Husare.

Ekskursejis laikā, kura ilgst vīnu stuņdi, teik īpazeits Lelais zals “Gors”, Mozais zals “Zīdaste”, seminaru zali, Mieginuojumu zals, Horeografejis zals, taipoš ir īspieja pabyut aizskatuvis zonā i īsavērt muokslinīku grimmātovuos. Apskatis laikā interesentim ir īspieja nūkliut ari iz Latgolys viestnīceibys GORS Jumta terasis, baudūt Rēzeknis ainovu nu skotu laukuma, bet ekskursejis nūslāgumā sevkurs teik aicynuots apsavērt aktualū izstuodi pyrmuo stuova Muokslys galerejā. Pasuokumu dīnuos ekskursejis maršruts var maineitīs, kai ari var tikt īrūbežuotys koncertzala telpu apsavieršonys īspiejis.

Ekskursejis moksa ir 2 eiro, bet školānim, studentim i pensionarim – 1,5 eiro. Pīsadaleit ekskursejā var, nūpierkūt biletu Latgolys viestnīceibys GORS kasē ci internetā latgalesgors.lv. Bileti par samazynuotu cenu tikai GORS kasēs.

Informacejis centrā gaideis gids, kura vadeitajai ekskursejai varēs pīsavīnuot sevkurs grybātuojs – gon biletus nūpierkūt īprīkšpuordūšonā, gon taišni pyrms ekskursejis. Vītu skaits kotrā ekskursejā ir īrūbežuots, par tū apmaklātuojus aicynoj laiceigi pierkt biletus. Vaira informacejis zvonūt 64633303 ci rokstūt koncertzale@rezekne.lv.

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]