Aicynoj pīsadaleit pietejumā par sadzeivi i tradicejom Latgolā

Aicynoj pīsadaleit pietejumā par sadzeivi i tradicejom Latgolā

Reigys Stradeņa universitatis (RSU) socialantropologi sadarbeibā ar Izgleiteibys i kulturys atbolsta bīdreibu “Balta” nu juļa leidz oktobram veiks etnografisku ekspediceju Latgolys regiona lauku saimisteibuos, kab apzynuotu sadzeivi i tradicejis.

Pietejuma ideja ir saisteita ar Pīminekļu vaļdis veiktajom ekspedicejom nu 1924. leidz 1931. godam, kuru laikā tyka uzkruoti materiali par laukūs izzyudūšū dzeivis veidu i tradicejom. Pietnīki aicynoj atsasaukt saimisteibys, kuru reiceibā ir zinis par viesturiskajom ekspedicejom i/voi kurys grib jimt daleibu myusdīnu ekspedicejā.

Jamūt vārā viesturiskuos Pīminekļu vaļdis ekspedicejis, šūgod ekspediceja Latgolā nūtiks tymūs pogostūs i cīmūs, kas viesturiski ītylpa Rēzeknis, Daugovpiļs, Ilūkstis i Ludzys apriņčūs. Pietnīki aicynoj īdzeivuotuojus, kuru reiceibā ir informaceja par jūs sātā voi cīmā (sādžā) nūtykušū viesturiskū ekspediceju, kai ari tuos saimisteibys, kas gryb pīsadaleit myusdīnu pietejumā, sasazynuot ar Sandri i Valdi Ošiniem (valdis@balta.net, 29234966). Ekspedicejā īgiutī materiali tiks izmontuoti pietnīciskim nūlyukim i uzkruoti Latvejis Nacionaluo viesturis muzeja kruojumūs.

Print Friendly, PDF & Email

Kalenders

Apr
18
Cat
12:00 Latgolys dīna @ Vacsalīnys muižys piļs
Latgolys dīna @ Vacsalīnys muižys piļs
Apr 18 @ 12:00 – 14:00
Latgolys dīna @ Vacsalīnys muižys piļs
19:00 Grupys “Galaktika” albuma prezen... @ Aizkrauklis kulturys centrs
Grupys “Galaktika” albuma prezen... @ Aizkrauklis kulturys centrs
Apr 18 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]