Rokstu sagataveja: portals lakuga.lv

Nedeļgols sūlās byut korsts na tikai gaisa temperaturys ziņā, bet ari izklaižu ziņā, varēs baudeit gon pasauļslavenuo pianista Vestarda Šimkus koncertu, gon īsaklauseit bitinīka omota stuostūs, gon “īsakūst” gabaleņā muokslys.

Vysys nedelis garumā leivuonīši sviņ piļsātys svātkus, šudiņ, 20. julī, svātku ītvorūs pl. 17.40 Leivuona Kulturys centrā nūtiks pasauļslavenuo pianista Vestarda Šimkus koncerts. Īeja bez moksys. Sovukuort nu pl. 20.00 leidz reitam nūtiks festivals “Kulakova nakts” pīsadolūt grupom “Pērkons”, “Menuets”, “Rīgas modes”, “Jauda”, “Dabasu Durovys”, “Laimas Muzykanti” i cytim muokslinīkim. Vaira informacejis par itom i cytom Leivuona piļsātys svātku nūtikšonom livani.lv.

20. i 21. julī Dagdys pusē var īsaklauseit bitinīku stuostūs, tī nūteik trešais Latgolys stuostnīku festivals, kas itūgod veļteits bitinīka omotam. 20. julī pl.16.30 Kroma kolnā tiks stuosteits par bitinīka omotu senatnī i pi guņskura tiks rytynuoti Latvejis nūvodu stuosti. Pyrmuo festivala dīna nūsaslēgs ar pasuokumu „Vokorā, kod bitis guļ…” – vakariešonu, anekdotu i jautrūs stuostu vokoru muzejā “Andrupenes lauku seta”. 21. julī pl. 19.00 festivala nūslāgumā Jaundomis muižys svātku lelajā sareikuojumā “Biteit’ motūs” pīsadaleis gon pošmuoju, gon gostu kolektivi i stuostnīki. Daleiba publiskajūs festivala pasuokumūs ir bezmoksys. Vaira informacejis facebook.com.

Sajust Latgolys garšu varēs 21. julī Kruoslovā piļsātys svātku laikā Storptautiskajā kulinaruo montuojuma festivalā nu pl. 14.00 leidz 17.00. Byus gon degustacejis, gon tierdzeņš. Latvejis Televizejis kulinaruo šova “Īstās latvju saimnieces” meistarklases, izjuodis ar zyrgu sātu “Klajumi” i radūšuos darbneicys bārnim. Vaira informacejis kraslava.lv.

Vargaņu muzykys cīneituojus 21. i 22. julī aicynoj Latgolys vargaņu dīnys. Sastdīnis vokorā pl. 18.00 Nautrānu Rūmys katuoļu bazneicā Rogovkā nūtiks vargaņmuzykys koncerts “Melodiju varavīksne”. Pīsadola Edīte Alpe (Deksne) (varganis), Guntars Ruņgis (boalss), Jāzeps Jermolovs (skripka). 22. julī vargaņu muzyku pl. 18.00 varēs baudeit Preiļu Jaunovys Marejis dabasūs uzjimšonys Rūmys katuoļu bazneicā koncertā “Ir mīļa Māras zeme”. Pīsadola Baiba Betlere (varganis), Vizma Zvaigzne (mecosoprans). Vaira informacejis facebook.com.

Iz muokslu, muzykys i garšu festivalu Muokslys pikniks 22. julī aicynoj Lūznovys muiža, tymā ari latgaliskys nūskanis. Varēs dzierdēt grupys “Bez PVN”, “Žvūrgzdyni”, “Pērkons” i c. Byus muokslys pleners ar Latgolys muokslinīču apvīneibu “V.I.V.A.” i cytim muokslinīkim. Pasuokuma laikā izjims eipaši Lūznovys muižai izcaltū keramikys apdadzynuošonys cepli. Vasala pasuokuma sadaļa byus veļteita jaunuokajai latgalīšu literaturai – byus tikšonuos i sarunys ar gruomotu “Pistacejis”, “Mozais Priņcs”, “Zalta puče” i “Meikuleņš īpazeist omotus” autorim. Festivals nūtiks nu pl. 13.00 leidz 22.00, vaira informacejis luznavasmuiza.lv.