“Tautumeitas” koncertēs pošā Latvejis pīrūbežā Indrā

“Tautumeitas” koncertēs pošā Latvejis pīrūbežā Indrā

Svynūt Latvejis vaļsts symtgadi Kruoslovys nūvoda Indrā 3. i 4. augustā nūtiks storptautiskais mozuokumtauteibu festivals “Latgales vainags”. Festivala eipašī gosti ir etno muzykys grupa “Tautumeitas”.

3. augustā nu 15.00 leidz 19.00 stuņdem byus pīpyušamuos atrakcejis bārnim parkā pi Kulturys noma. Festivala ītvorūs nu 18.00 leidz 19.00 stuņdem nūtiks ari “Ievārījuma svētku” 15 godu jubileja zaptis degustacejis pi Kulturys noma. 18.30 stuņdēs atkluos keramikys dorbu izstuodi “Latvju zīmes”. Vokoru 19.00 stuņdēs nūslēgs festivala īskaņu koncerts “Ogu vainags” Kulturys nomā.

Svātku programa ūtrajā dīnā, 4. augustā, suoksīs 14.00 stuņdēs ar izklaidis pasuokumu saimem Tēvejis parkā, byus vyzynuošonuos ar zirgim, pīpyušamos atrakcejis, varēs nūpierkt ari dzeraunis lobumus.

Festivala laikā īskandynuos jaunizveiduotū Laimis muzeju, 15.00 stuņdēs byus radūšuos darbneicys, bet 16.00 Laimis muzeja karūga paceļšona. 18.00 stuņdēs estradē pi Kulturys noma byus festivala svātku koncerts, bet 20.00 stuņdēs festivala eipašūs gostu etno grupys “Tautumeitas” koncerts. Paradzāta ari uguņuošona.

Publicitatis karteite: fotografe Aiga Rēdmane.

Print Friendly, PDF & Email

Nūtikšonu kalendars

Feb
4
Sai
vysu dīnu TLMS “Dzīpariņš” 45 darbeibys go... @ Latgolys Kulturviesturis muzejs
TLMS “Dzīpariņš” 45 darbeibys go... @ Latgolys Kulturviesturis muzejs
Feb 4 vysu dīnu
Jaunū izstuožu godu Latgolys Kulturviesturis muzejs īsuoc kūpā ar ilggadejū i vysod atsauceigū sadarbeibys partneri – Tautys lītiškuos muokslys studeju “Dzīpariņš”. Tei nūdybynuota jau 1978. godā i apvīnoj sevī vysaidu paaudžu rūkdarbneicys, kurys saista kūpeiga[...]