Svareiga informaceja datikšonai leidz Aglyunys svātku nūrisis vītai

Svareiga informaceja datikšonai leidz Aglyunys svātku nūrisis vītai

Rokstu sagataveja: portals lakuga.lv

Nu 12. leidz 15. augusta Aglyunā nūtiks Vyssvātuokuos Jaunovys Marejis dabasūs uzjimšonys svātki. Aglyunys nūvoda dūme publiciejuse svareigu informaceju par datikšonu leidz svātku nūrisis vītai.

Braucūt iz Aglyunu virzinī nu Reigys pa Daugovpiļs šoseju (A6), pyrmais byuvdorbu objekts, ar kū byus juosastūp, ir Reigys īlys remonts Pļaveņuos. Tū var apbraukt, turpynojūt ceļu pa šoseju A6.

Nuokamais byuvdorbu pūsms iz autoceļa A6 ir Aivīkstis tylta remonts. Reigys virzinī satiksme teik organizāta pa apbraucamū ceļu.

Preiļu piļsātā remontdorbi nūteik iz Reigys i Breiveibys īlys. Nu Preiļu suocās ari autoceļa Kruoslova–Preili–Modūne (P62) remontdorbi pūsmā nu Bašku leidz Preiļu (44,15.-57,54. km).

Autobrauciejim i guojiejim, kas dūdās iz Aglyunu nu Reigys i Jākubpiļs pusis, ir div īspiejis, kai apbraukt remontdorbus Preiļūs:
1. Preiļūs nūsagrīzt iz Feimanim, braukt leidz autoceļam Rēzekne – Daugovpils i tuoļuok leidz Aglyunai;
2. Leivuonūs braukt pa Daugovpiļs šoseju leidz pagrīzīņam iz Neicgali (201,7. km) i tuoļuok braukt leidz Vyškim aba autoceļam Rēzekne–Daugovpiļs (A13) pa autoceļu Vyški–Neicgale (P64). Vyškūs pa A13 juosadūd Rēzeknis virzinī leidz krystcelim pa autoceļu Kruoslova–Preili–Modūne (P62) i tuoluok leidz Aglyunai.

Satiksmis īrūbežuojumi kravys auto tranzitsatiksmei:

Kab nūdrūsynuotu Vyssvātuokuos Jaunovys Marejis Dabasūs uzjimšonys svātku drūšeibu, suocūt nu 12. augusta 17.00 stuņdem leidz 15. augusta 18.00 stuņdem tiks slāgta kravys auto tranzitsatiksme pa vairuokim vaļsts autocelim Aglyunys apleicīnē:

P60 Dagda–Aglyuna pūsmā Sloboda–Aglyuna
P62 Kruoslova–Preili–Modūne pūsmā Kruoslova–krystceli ar autoceļu A13 Krīvejis rūbežs (Grebņeva)–Rēzekne–Daugovpils–Lītovys rūbežs (Medumi)
V636 Kruoslova–Izvolta–Škeltova–Aglyuna pūsmā Škeltova–Aglyuna
V641 Iz Grāverim
V745 Jaunaglyuna–Aglyuna
V762 Aglyuna–Vyški

Kai apbraucamūs ceļus īsoka izmontuot
P57 Malta–Sloboda
V744 Kastire–Kategrade–Kameņeca–Kapini
V610 Jaunokra–Grāveri
V676 Grāveri – Vyški – P64 – līdz A13

Iz Aglyunys svātku dalinīkim i sabīdriskū transportu itī īrūbežuojumi naatsatīc.

Autovadeituojus aicynoj ar izpratni izaturēt pret īvīstajim satiksmis īrūbežuojumim, īvāruot satiksmis organizacejis kuorteibu, kai ari riekinuotīs ar īspiejamu garuoku ceļā pavadeitū laiku.

Aktualuo informaceja par satiksmi vaļsts autoceļu teiklā i izzinis ir pīejamys pa dīnnakts bezmoksys telefonu 80005555, lvceli.lv, kai ari aplikacejā “Waze”.

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]