Rēzeknē nūteik bārnu i pusaudžu nūmetne “Sūpluok”
Rokstu sagataveja: portals lakuga.lv
Nu 6. leidz 17. augustam Rēzeknē nūteik bārnu i pusaudžu nūmetne “Sūpluok”. Tei puļciejuse 32 dalinīkus, nu kurim vairums ir nu Rēzeknis i Rēzeknis nūvoda, storp dalinīku ir ari redzinīks.
Nūmetnei dūtais nūsaukums “Sūpluok” nūzeimoj “blokus”, “leidzuos”, itei ir pyrmuo radūšuo, muokslinīcyskuo i latgaliskuo nūmetne bārnim i pusaudžim. Latgolā škoļnīkim puorsvorā vosorys breivlaiku ir īspieja pavadeis sporta nūmetnēs.
Nūmetnis “Sūpluok” laikā bāri i jūs vacuoki var vaira izzunuot i izprast latgaliskuos tradicejis, dorbuotīs radūšajos darbneicuos i izgataveit sev pīminis lītenis, īpazeit dramys terapeju, muokslu i kulturu, latgalīšu volūdu. Veļteita ari uzmaneiba latgalīšu muzykai – tradicionalajai i modernajai.
11.augustā nūmetnis laikā nu 16. leidz 21.00 Rēzeknis Tehnologeju akademejā byus večerynka bārnim i pusaudžim, iz kuru aicynuots sevkurs riezeknīts ci piļsātys gosts. Daņču ritmi byus nu tautiskūs da metaliskūs gobolu.
Strāčeiti vieļuok byus ari animacejis kinu prezentacejis, uz kurom nūmetnis organizatori aicynuos skateituojus.
Publicitatis karteite.
