10 Ontona Slišāna atzinis par latgaliskumu, vaļsti i mums pošim

10 Ontona Slišāna atzinis par latgaliskumu, vaļsti i mums pošim

Roksta autors: portals lakuga.lv

Latgolys dzejnīks, rakstnīks, publicists, folklorys vuociejs i nūvodpietnīks Ontons (Antons) Slišāns dzims 1948. goda 28. decembrī niulinejuo Vileks nūvoda Škilbanu pogosta Stabļovys cīmā Domenika i Annys Slišānu saimē. Myužeibā nūguojs 2010. goda 15. decembrī. Itūgod byutu svietejs sovu 70. dzimšonys dīnu.

Bez Ontona padareituo nav īsadūmuojama Zīmeļlatgolys kulturviesture – sovā myužā beja padarejs cīši daudz: jau suocūt nu 20. godu symta septeņdesmytūs godu vuocs i pīrakstejs Zīmeļlatgolys folkloru, īskaņuojs gon tautysdzīsmis, gon saļmu dzīduojumus. 1980. godā dybynuojs i vadejs Upeitis i Rekovys etnografiskūs ansambļus. Nu 20. godu symta sešdesmytūs godu rakstejs dzeju. O. Slišāna dzejūli ir skaitomi 30 izdūtajuos gruomotuos. Jis beja vīneigais dzejnīks Latvejā, kas raksteja i izdeve dzejis gruomotys bārnim latgalīšu volūdā. Vadejs Upeitis biblioteku, sataisejs i vadejs Upeitis kulturyviesturis muzeju. Dybynuojs i īdzeivynuojs pasaulī vacuokū latgalīšu meilys aiļu i dzīšmu festivalu „Upītes Uobeļduorzs”, kurs itūgod nūtiks jau septeņpadsmytū reizi. Itūšaļt Ontona Slišāna aizsuoktūs dorbus turpynoj juo bārni i mozbārni kotrys sovā laukā – tradicejuos i folklorā, muokslā, literaturā i myusdīnu kulturā.

Ontons beja kai dareituojs, tai dūmuotuojs – sova laika sirdsapziņa, kurei aicynuoja atguoduot par latgaliskajom vierteibom, volūdu, izklīdze, izcēle, viesteja, atguodynuoja i ironizēja par myusu laiku i juo poša laikabīdrim, kai ari īpazeistynuoja ar cylvākim i nūtikšonom, eipaši Zīmeļlatgolā.

Vaira par Ontona Slišāna dzeivi i dorbu var puorskaitei Bolvu regiona kulturviesturis datubazē

O. Slišāna portreta karteitis autors: Juris Zariņš

Roksts sagataveits ar Vaļsts regionaluos atteisteibys agenturys finansialu atbolstu nu Latvejis vaļsts budžeta leidzeklim.

Print Friendly, PDF & Email

Nūtikšonu kalendars

Jun
8
Cat
19:00 Izruode “Mantojums” @ Dirty Deal teatro
Izruode “Mantojums” @ Dirty Deal teatro
Jun 8 @ 19:00 – 20:30
“Mantojums” baļsteits dzejneicys i dramaturgis Annys Belkovskys personeigajā stuostā par jū i juos tāvu, partū muokslineica gryb skateituojus iz izruodi aicynuot ar itaidu viesti: “Kod pyrma diveju godu kūpā ar Jāni i Viesturu suocem dorbu[...]
Jun
9
Pīk
all-day Sarunu festivals LAMPA @ Ciesis
Sarunu festivals LAMPA @ Ciesis
Jun 9 – Jun 10 all-day
Itymā nedeļgolā, 9. i 10. junī, Ciesīs nūtiks sarunu festivals LAMPA, kurā sarunu, diskuseju i cytu nūtikšonu vydā 10. junī Regionu skotivē nu 17.30 da 19.00 iz pasuokumu “Šudiņ vakareņuos “Latgolys zylūņs”!” aicynoj ari Latvejis[...]
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Jun 9 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]