Daugovpilī Ieva Pīgozne lekcejā stuosteis par apgierba viesturi Latgolā 19. godu symtā

Daugovpilī Ieva Pīgozne lekcejā stuosteis par apgierba viesturi Latgolā 19. godu symtā
Roksta autors: portals lakuga.lv

Trešdiņ, 3.oktobrī, Daugovpilī muokslys zynuotņu doktore i apgierba pietneica Ieva Pīgozne aicynoj iz lekceju “Apgierba atteisteiba Latgolā 19. godu symtā. Tautystārpa kompektiešona i volkuošona myusu dīnuos”.

Ar 2018. goda janvari Ieva Pīgozne ir uzsuokuse treis godu pietnīceibys projektu “Apģērba attīstība Latgalē 19. gadsimtā”. Projekta ītvorūs ir planavuots ar pietejuma gaitu i rezultatim īpazeistynuot plošuoku sabīdreibu, rokstūt blogā, kai ari reikojūt naformalys lekcejis interesentim.

Lekcejā Ieva Pīgozne stuosteis par olūtim, kurymūs atrūnomys līceibys par seņuokūs laiku apgierbu i apovim, par tū, kai mūde ītekmēja tradicionalū apgierbu Latgolā, par tehnologeju atteisteibu apgierba izgataveišonā. Nūdarbeibā tiks ari runuots par tautystārpa izgataveišonu i volkuošonu myusu dīnuos, snāgti īsacejumi i praktiski padūmi informacejis mekliešonai, tārpa kompektiešonai i volkuošonai dažaiduos situacejuos.

Lekceja nūtiks nu pl. 11 leidz 16 Daugovpiļs nūvoda kulturys centrā “Vārpa” Daugovpilī Dūbelis īlā 30, interesentus aicynoj īprīkš pīsateikt pi Terēzijis Ūbelis (tel. 654 35512, 28379611).

Roksts sagataveits ar Vaļsts regionaluos atteisteibys agenturys finansialu atbolstu nu Latvejis vaļsts budžeta leidzekļu.

Print Friendly, PDF & Email

Kalenders

Apr
18
Cat
12:00 Latgolys dīna @ Vacsalīnys muižys piļs
Latgolys dīna @ Vacsalīnys muižys piļs
Apr 18 @ 12:00 – 14:00
Latgolys dīna @ Vacsalīnys muižys piļs
19:00 Grupys “Galaktika” albuma prezen... @ Aizkrauklis kulturys centrs
Grupys “Galaktika” albuma prezen... @ Aizkrauklis kulturys centrs
Apr 18 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]