Latgolys jaunī muzyki aicynoj iz skaistuokūs ainovu muzykys koncertim

Latgolys jaunī muzyki aicynoj iz skaistuokūs ainovu muzykys koncertim

Roksta autors: žurnals “A12”

Juoņa Ivanova Rēzeknis muzykys vydsškolys tūpūšī muzyki vaļsts symtgadē ir radejuši viestejumu par Latveju muzykaluos ainovuos. Doba ir vīna nu Latvejis vierteibu, jei ir īdvasmuojuse i īdvasmoj daudzus muzykus i komponistus. Īspiejams, ka mums byutu cyta ainova, tod ari muzykys skaniejums byutu atškireigs. Latvejis, Latgolys ainovai soveigais – azaru, pakolnu, padebešu, rakstureigūs bazneicys tūrņu atspīgeliejums Juoņa Ivanova simfonejuos, Alfreda Feila dailradē voi Guntrys Kuzminys-Juknys dzīduojumūs, muzyka mejīsadorboj ar dobu i aizraun klauseituoju.

Školys jaunīši ir izveiduojuši muzykalu prīšknasumu, izmontojūt komponistu dorbus, kurūs atsaspīdynoj ainovys myusdīneiguos apdarēs voi pītuvynuotys godu symtu skaniejumam.

2018. gods 16. oktobris

15.00 Viļakys muzykys i muokslys škola.

17.00 Kuorsovys muzykys i muokslys škola.

2018. gods 30. oktobris

15.00 Ludzys muzykys pamatškola.

16.30 Zylupis muzykys i muokslys škola.

2018. gods 14. novembris

17.30 Juoņa Ivanova Rēzeknis muzykys vydsškola.

Uzvadums ruodeis īspieju dzierdēt i dūmuot kontekstā – kai tei vīta, kuramā es dzeivoju, ir radejusi izcylus muzykus i īdvasmuojuse jūs dorbim, bolstūtīs iz kluot asūšajom vierteibom – ainovu, dobu, redziejumu. Koncertu cyklys ir Latvejis vaļsts symtgadis programys nūtykums, radeits ar Vaļsts Kulturkapitala fonda atbolstu. Koncerti bez moksys.

Uzvaduma programā latvīšu komponistu skaņdorbi
Kristīne Baltruševica “Pastaiga”, Katrīna Belinska, saksofona spēle, Haralds Bauga, Svetlana Sergejeva
Sandra Mežore, Leontīne Apšeniece “Lūgums”, Diona Liepiņa, Ingrīda Balode, Irina Kigitoviča
Romualds Jermaks “Daugavas senleja” nu cykla “Akvareļi” (2. Latgolys būrtneica), Edijs Strušels, Romualda Dāvida
Guntra Kuzmina-Jukna, Ontons Kūkuojs “Lidūneiši”, Elīna Spridzāne, Guntra Kuzmina-Jukna, Žanete Solovjeva
Jāzeps Lipšāns “Skaņdarbs fagotam”, Katrīna Kozlova, fagota spēle, Anselms Opincāns, Svetlana Sergejeva
Romualds Jermaks “Aglona” nu cykla “Akvareļi” (2. Latgolys būrtneica), Inta Ragause, Žanete Solovjeva
Jēkabs Graubiņš “Aiz upītes meitas dzied“ nu cykla “Graznas dziesmas”, Alise Meļko, Irīna Kulakova
Guntra Kuzmina-Jukna, Ontons Slišāns ”Muna vosora”, Ieva Leiduma, Danuta Kārkliniece, Romualda Dāvida
Treis Līgo dzīsmis Riharda Dubrys apdarē, Marta Poplavska, čella spēle, Maija Kalniņa, Romualda Dāvida
Jānis Lūsēns, Aspazija “Tas vārds”, Diāna Kempiša, Danuta Kārkliniece, Romualda Dāvida
Jānis Ivanovs “Elēģija”, Marta Paula Sejāne, klarnetes spēle, Haralds Bauga, Svetlana Sergejeva
Tautyska poļka J. Ozola apdarē, Ņikita Rogovs, eifoneja spēle, Aivars Komuls, Jeļena Paura.

Publicitatis karteite.

Roksts sagataveits sadarbeibā ar portalu lakuga.lv ar Vaļsts regionaluos atteisteibys agenturys finansialu atbolstu nu Latvejis budžeta līdzekļu projekta “Robežlīnijas” ītvarūs.

Print Friendly, PDF & Email

Nūtikšonu kalendars