“Laika leigučuos” pyrmajā raidejumā gastej Grebnevys rūbežkontrolis punktā

“Laika leigučuos” pyrmajā raidejumā gastej Grebnevys rūbežkontrolis punktā

Roksta autors: Latgolys entuziastu grupa “Biļdis”

Pyrmajā raidejumā ar poetiskū nūsaukumu “Laika leigučuos” tuo veiduotuoji Latgolys entuziastu grupa “Biļdis” simboliski gastej vītā, kur suocās Latveja i Eiropa, – Vaļsts rūbežsardzis Ludzys puorvaļdis Grebnevys rūbežkontrolis punktā. Īsaverūt viesturiskajūs videomaterialūs nu LTS raidejuma “Olūti”, byus vareiba saleidzynuot, ci kūpš paguojušuo godu symta 90. godu ir kas mainejīs rūbežkontrolis punktā, tuo apleicīnē.

Rubrikā “Latgolai nūzeimeiga personeiba” ilggadejais sabīdryskais i kulturys darbinīks Pīters Keišs doluos sovuos atmiņuos par kulturys i sabīdriskū dzeivi, sovu darbeibu 90. godūs i īpazeistynuos ar dorbim, kuri padareiti napaseņ. Bet myusu dīnu aktualitašu sadaļā diskuseja par 2017. goda Latgolys kongresa symtgadē pījimtū rezoluceju, tuos tuoluokū politiskū vierzeibu.

 

Raidejums “Laika leigučuos” taps ar Vaļsts regionaluos atteisteibys agenturys mierkprogramys “Regionalūs i vītejūs medeju atbolsta programa” apakšprogramys “Atbolsts sabīdriski nūzeimeigys žurnalistikys radeišonai medejūs Latgolys planavuošonys regionā” atbolstu. 

Karteitis: P. Keiša i “Biļdis” arhivs

Print Friendly, PDF & Email

Kalenders

Jun
15
Sai
all-day Gitys Palmys izstuode “Vilcienu ... @ Roberta Mūka muzejs
Gitys Palmys izstuode “Vilcienu ... @ Roberta Mūka muzejs
Jun 15 all-day
Nu 12. apreļa da 15. juņa Roberta Mūka muzejā Gaļānūs apsaverama muokslineicys Gitys Palmys gleznu izstuode “Vilcienu meitenes stāsts”. Izstuodē apsaveramys i vairuoku godu laika periodā radeituos, i publikai īprīšk naparuodeitys, kai ari pavysam jaunys[...]