Rokstu sagataveja: Māris Justs, Inga Čekša-Ratniece, žurnals “A12”

Šosejis Daugovpiļs–Rēzekne pūsmā pi Jaunaglyunys garombrauciejus pīsaista sāta, kuramā ražoj i tiergoj sīru. I vēļ ainovā itei sāta ir eipaša ar gaumeigim kūkgrīzumim.

Saimisteibys pyrmsuokumi datejami 20. godu symta 30. godūs, kod saiminīka Jura Lubuona vactāvs izcēle dzeivojamū āku ar kūšim lūgu kūkgrīzumim i izveiduoja saimisteibu. Niulenejī saiminīki 90. godūs atsagrīze Rībeņu nūvodā i suoce muojražuošonu.

Lideja i Jurs Lubuoni nūlēme i atjaunuoja dzeivuojamuos sātys vysus 13 lūgus – ar autentiskom kūka kvarbatkom. Arhitekts Pēteris Blūms, kurs vīnā nu “A12“ interveju itaidus lūgus ar dekorim nūsauce par ledejom, nūviertēja saiminīku īguļdejumu i īsaceja ari kruosuojumu, kab garuok sasaglobuotu arhitekturys i amatnīceibys montuojums. Tai kai saimisteibā sevkurs var īsaguoduot gordū rībenīšu sīru, vīnlaiceigi ir īspieja apsavērt i īsajust tradicionalā latgaliskā lauku ainovā.

Roksts sagataveits sadarbeibā ar portalu lakuga.lv ar Vaļsts regionaluos atteisteibys agenturys finansialu atbolstu nu Latvejis budžeta līdzekļu projektā “Robežlīnijas”.