10 patriotiskys dzīsmis latgaliski

10 patriotiskys dzīsmis latgaliski

Rokstu sagataveja: portals lakuga.lv

Nedeļa nu Luočplieša dīnys 11. novembrī leidz Latvejis Republikys proklamiešonys dīnai 18. novembrī paīt eipaši patriotiskā gorā. Gaidūt Latvejis vaļsts symtgadis svieteišonu, portals lakuga.lv ir sataisejs sovu izlasi i pīduovoj nūsaklauseit desmit dažaidys patriotiskuos dzīsmis par Latveju i Latgolu latgaliski.

Patriotisku dzīšmu latgaliski ir daudzi, daudzi vaira, bet itymā izlasē atrassit dažaidu izpiļdeituoju, stylu i varbyut kaidys mozuok zynomys dzīsmis.

1.

SKEISTA MUNA TĀVU ZEME

Tautysdzīsme, dzīd folklorys kūpa i kapela “Egle” nu Viļakys nūvoda Mednevys.

2.

PĪMIŅ, BRUOĻ

Dzīsme teik saukta par Latgolys naoficialū himnu, tuos vuordu i muzykys autori ir Valdis i Māris Muktupāveli. Dzīsmis verseju dzīd legendarais veiru kors “Olūts” dirigenta Juoņa Gruduļa vadeibā.

3.

SKAIDRA VOLŪDA

Dzīsme teik saukta par Latgolys himnu. Dzīsme ar Eugeņa Karūdznīka (eistajā vuordā Eugenija Ruško, bet dzīsmis komponista nūruode publicāta zam E. Rāznupa vuorda (vīns nu pseidonimu)) muzyku i Annys Rancānis vuordim, kurī jimti nu 1986. godā gruomotā “Piektdiena” publicātuos poemys “Taisneibas nesējs”, kas veļteita Pīteram Miglinīkam. A. Rancānis originalūs vuordus komponists ir drupeit pamainejs. Dzīsmis verseja nu 1991. goda Latgolys Televizejis muzykys festivala, izpylda Andris Baltacis, Aleksandrs Zeimuļs-Priževoits i Daugovpiļs pyušomūs instrumentu orkestris dirigenta Raimonda Igolnieka vadeibā.

4.

LYUGUMS LATVEJAI

Grupys “Latgales dāmu pops” dzīduotuo dzīsme. Muzykys autore Anita Bērziņa, vuordi – Fraņcs Trasuns i Anita Bērziņa.

5.

IEDEDZIES PAR LATVIJU

Taišni pyrma desmit godu īraksteituo dzīsme, kurymā sasateik grupa “Borowa Mc”, dzīduotuoja Aija Andrejeva i muzikis Artis Dvarionas. Dzīsmis muzykys autors ir Ingars Gusāns, vuordu – Aigars Runčis.

6.

ATSAGRĪZT

Dzīsmis vuordu autori Aija Eriņa i Linards Eriņš, muzykys autore Aija Eriņa. Dzīsmis verseja Eriņu saimis izpiļdejumā LNT šovā “Dziedošās ģimenes”.

7.

PALEIDZI DĪVS

Dzīsmis vuordu i muzykys autors Normunds Zušs. Dzīsmis verseja nu Rēzeknis Zaļuo pakolnu kora dzīduojuma.

8.

MUNA ZEMEITE

Dzīsmis muzykys autore Guntra Kuzmina, vuordu autors Voldemārs Voguls, dzīd Rēzeknis nūvoda vokaluo studeja “Skonai”. Dzīsmi pyrma treju godu studeja kai mīlesteibys aplīcynuojumu duovynuoja Latvejai svātkūs. Solo – Marta Paula Sējāne.

9.

PATRIOTI (AI PAGALI PA PAKALI)

Dzīsmis muzykys i vuordu autors Artūrs Uškāns. Dzīsmis verseja Uškānu saimis ansambļa izpiļdejumā LNT šovā “Dziedošās ģimenes”.

10.

MUORYS ZEMEI

Dzīsmis teksta autore ir Leontine Apšineica, muzykys autors Gints Ločmelis. Dzīsmis izpiļdeituojs grupa “Ginc un Es”.

Roksts sagataveits ar Vaļsts regionaluos atteisteibys agenturys finansialu atbolstu nu Latvejis vaļsts budžeta leidzekļu.

Print Friendly, PDF & Email

Nūtikšonu kalendars

May
24
Ūtr
19:00 Latgalīšu rokstu volūdys nūdarbeiba @ tīšsaistē
Latgalīšu rokstu volūdys nūdarbeiba @ tīšsaistē
May 24 @ 19:00 – 20:30
Bīdreiba “LgSC” sadarbeibā ar latgalīšu kulturys ziņu portalu lakuga.lv aicynoj iz ostoņom latgalīšu rokstu volūdys tīšsaistis bezmoksys nūdarbeibom, kab kotrys interesents varātu izzynuot vaira par latgalīšu rokstu volūdu i īsavuiceit tuos pamatprincipus. Latgalīšu rokstu volūdys[...]
May
25
Tre
16:00 Maja dzīduojumi pi krysta ar etn... @ Vabalis krysts
Maja dzīduojumi pi krysta ar etn... @ Vabalis krysts
May 25 @ 16:00 – 17:30
Majs katuoļu bazneicys kalendarā ir Svātuos Jaunovys Marijis mieness – laiks, kod Vabalē teik izpuškuoti ceļa molys krysti i nūteik maja dzīduojumi. Ari itūgod, saglobojūt vīnu nu namaterialuo kulturys montuojuma tradiceju, pogosta ļauds teik aicynuoti[...]
May
26
Cat
19:00 Daņču vokors ar folklorys kūpu “... @ Augšdaugovys nūvoda kulturys centrs "Vārpa"
Daņču vokors ar folklorys kūpu “... @ Augšdaugovys nūvoda kulturys centrs "Vārpa"
May 26 @ 19:00 – 21:00
Daņču vokors ar folklorys kūpu "Dyrbyni" @ Augšdaugovys nūvoda kulturys centrs "Vārpa"
Leidza: ārtys mainis kurpis doncuošonai, dzeramais iudiņs. Daleiba breiva.
May
27
Pīk
15:00 Diskuseja par Latgolys parka att... @ Reiga
Diskuseja par Latgolys parka att... @ Reiga
May 27 @ 15:00 – 17:30
Diskuseja par Latgolys parka atteisteibu @ Reiga
Reigys dūme piec latgalīšu navaļstiskūs organizaceju rūsynuojuma lāmuse Moskovys duorzu Reigā puorsaukt par Latgolys parku. Kab dūmuotu, kai reizē ar itom puormaiņom parku padareit par pīviļceiguoku teritoreju i īspieju reidzuonim car tū vaira izzynuot par[...]
20:00 Jura Ostrovska koncerts @ Tiļžys kulturys i viesturis noms
Jura Ostrovska koncerts @ Tiļžys kulturys i viesturis noms
May 27 @ 20:00 – 22:00
Jura Ostrovska koncerts @ Tiļžys kulturys i viesturis noms