Izveiduots atraktivs video par Šmakovkys muzeju

Izveiduots atraktivs video par Šmakovkys muzeju

Rokstu sagataveja:portals lakuga.lv

Daugovpiļs piļsātys pošvaļdeibys turisma i informacejis agentura prezeņtiejuse atraktivu video par Šmakovkys muzeju kai vītu Latgolā, kur ir īspieja īpazeit Latgolys viesturi, regiona kulinarū montuojumu i šmakovkys dzierīņa darynuošonys tradicejis.

Video izveiduots septeņuos volūduos – latgalīšu, latvīšu, krīvu, angļu, vuocu, pūļu i lītuvīšu, kas atraktivi vadynoj interesentus īpazeit Latgolys kulinarū montuojumu. Video mierkis ir lauzt stereotipus i radeit objektivu prīškstotu par šmakovkys dzierīni kai naatjamamu Latgolys kulinaruo i regiona namaterialuo kulturys montuojuma sastuovdaļu, aicynuot apmeklēt Latgolu i Šmakovkys muzeju kai vīnu nu ratajom vītom pasaulī, kur var izzynuot ituo dzierīņa izgataveišonys viesturi, apsavērt autentiskys ražuošonys īkuortys, kai ari pīsadaleit meistarklasēs i degustacejuos.

Izveidotais video tiks izmontuots Šmakovkys muzeja i Latgolys kulinaruo montuojuma atpazeistameibys veicynuošonai i izplateits interneta vidē i socialajūs teiklūs, kai ari demonstrāts Agenturys reikuotajūs pasuokumūs, turisma izstuodēs i godatiergūs.

Roksts sagataveits ar Vaļsts regionaluos atteisteibys agenturys finansialu atbolstu nu Latvejis vaļsts budžeta leidzekļu.

Print Friendly, PDF & Email

Nūtikšonu kalendars

Nov
30
Tre
vysu dīnu Izstuode “Trīs no “Osīšiem”” @ Latgolys Centraluo biblioteka
Izstuode “Trīs no “Osīšiem”” @ Latgolys Centraluo biblioteka
Nov 30 vysu dīnu
Leidz 30. novembram Latgolys Centraluos bibliotekys Daiļliteraturys sektorā apsaverama Guru saimis gleznu izstuode “Trīs no “Osīšiem”. Ekspozicejis autoris dažu godu laikā kruoja muokslys dorbus, nu kurūs daudzi jau ir sajāmuši atzineibu ari cytuos izstuodēs. Skateituojam[...]