Kārlis Kazāks i “Latgalīšu Reps” vīnojās dzīsmē “Bolta lopa”

Kārlis Kazāks i “Latgalīšu Reps” vīnojās dzīsmē “Bolta lopa”

Rokstu sagataveja: portals lakuga.lv

Raidejuma “Dzirdi balsis ar Kārli Kazāku” ūtrajā sezonā Kārlis Kazāks gasteja Ludzā i radeja dzīsmi kūpā ar apvīneibu “Latgalīšu Reps”.

Šaļteņu pyrma vaļsts svātku, 15. novembrī, LTV1 beja nūsaverama TV raidejuma “Dzirdi balsis ar Kārli Kazāku” sereja, kurymā dzīsminīks Kārlis Kazāks gasteja Ludzā. Ituos mini-ekspedicejis rezultatā topuse dzīsme “Bolta lopa”, kurymā Kārlis sasadorboj ar apvīneibu “Latgalīšu Reps”. Niu dzīsme nūsaverama atseviškā video, kū pīduovojam nūsavērt ari lakuga.lv skaiteituojim.

Kotra raidejuma mierkis ir na viņ īpasazeit ar kotrā vītā runuotū volūdu i vītejūs mīlesteibu iz tū, bet sacerēt i īraksteit dzīsmi. “Bolta lopa” ir jau trešuo dzīsme latgaliski, kurei topuse raidejuma fiļmiešonys laikā. Pyrmajā sezonā Ondrupinis apleicīnis volūda īmyužynuota dzīsmē “Iudiņs, ka aizsaļs nav”, bet Zīmeļlatgolys latgalīšu volūda – dzīsmē “Vuss ir izdzīdams”. Dzīsmē “Bolta lopa” Kārlim pīsavīnoj vītejuo Ludzys apvīneiba “Latgalīšu Reps”, kurei itūgod Latvejā eipaši labi tyka pazeistama ar vosorys hitu “Žārej gali”.

Kārļa Kazāka gasteišona Ludzā raidejumā “Dzirdi balsis ar Kārli Kazāku” nūsaverama ite: https://ltv.lsm.lv/lv/raksts/15.11.2018-dzirdi-balsis-ar-karli-kazaku.-3.-serija.-dienvidlatgales-ludzas.id144167/

Roksts sagataveits ar Vaļsts regionaluos atteisteibys agenturys finansialu atbolstu nu Latvejis vaļsts budžeta leidzekļu.

Print Friendly, PDF & Email

Nūtikšonu kalendars

Jan
28
Sai
12:00 Puorguojīņs pa Rēzekni “Piļsāta ... @ Rēzekne
Puorguojīņs pa Rēzekni “Piļsāta ... @ Rēzekne
Jan 28 @ 12:00 – 15:00
28.janvarī gaidoms puorguojīņs pa Rēzekni “Piļsāta pi upis i storp stacejom”. Plānuots apmāram 3 stuņžu laikā nūīt ap 7 kilometrim. Tū suoks pi dzeļžaceļa stacejis “Rēzekne II”, varēs izzynuot, ar kū tei ir seviška. Tuoļuok[...]
21:00 “Muzikālā banka 2022” @ Daugovpiļs Olimpiskais centrs
“Muzikālā banka 2022” @ Daugovpiļs Olimpiskais centrs
Jan 28 @ 21:00 – 23:30
Daugovpiļs Olimpiskajā centrā otkon nūtiks Latvejis Radejis 2 goda vierteiguokūs pop i rokdzīšmu aptaujis “Muzikālā banka 2022” apbolvuošonys ceremoneja. Jau īrostai “Muzikālās Bankas” finala koncertšovs byus dinamiski kruošņs, muzykali vierīneigs i īspaideigs, pīsadolūt aizvadeituo gods Latvejis[...]