Kū var skaiteit žurnala “A12” zīmys numerī

Kū var skaiteit žurnala “A12” zīmys numerī

Roksta autors: Ināra Volkova, žurnals “A12”

Ci vīgli atsagrīzt i dzeivuot Latvejā – itaids ir jaunuo žurnala “A12” numera vaicuojums.

Lūznavīte Maija Hartmane pīzeist, ka Latgolā saulis ir vaira, bet dzejneica Ingrīda Tārauda vys vēļ ir storp divejim pasaulim i pīzeist, ka sovu vītu Latvejā atrast ir gryuši. Ci ir varams saimnīkuot videi draudzeigi i izmontuot jaunuokuos tehnologejis, tū atkluoj uzjiemeigais Aldis Ločmelis. Fotografe Arita Strode-Kļaviņa stuosta par naparostajim latgalīšim, bet melomans Ivars Matisovs pīduovoj unikalu pietejumu par myusu dīnu muzykys dzeivi Latgolā. I vēļ izzynuosit, kai Suomejā audzej zīmeļbrīžus i kaskejus i parkū Peipusa azara staraveri audzej seipulus. Dūmojūt par svātku goldu, kulinarejis viesturis pietnīks profesors Rimvīds Laužiks atguodynoj par tradicejis nūtureibu cauri godu symtim. Dzili i patīsi par mums – jaunajā “A12” žurnala numerī.

Roksts sagataveits sadarbeibā ar portalu lakuga.lv ar Vaļsts regionaluos atteisteibys agenturys finansialu atbolstu nu Latvejis budžeta leidzekļu projektā “Robežlīnijas”.

Print Friendly, PDF & Email

Nūtikšonu kalendars

Mar
22
Tre
22:00 Kriminalromana “Bruoli” radejis ... @ Latvejis Radeja 1
Kriminalromana “Bruoli” radejis ... @ Latvejis Radeja 1
Mar 22 @ 22:00 – 23:00
Kriminalromana “Bruoli” radejis īstudiejums latgaliski nu 21. da 25. marta Latvejis Radejis 1 eterā 22.05 stuņdēs izskanēs pīcuos daļuos.   Romana sižetu dramatiziejuse Rūta Dišlere. Īstudiejuma muokslinīcyskais vadeituojs, režisors i komponists Kristaps Rasims. “Bruoļu” radejis[...]