“Laika leigučuos” 11. raidejums
Roksta autors: Latgolys entuziastu grupa “Biļdis”
Drukuotais i raksteitais vuords – zinis, nūtykumu apskoti, iņtervejis ir naatjamama cylvāka kasdīnys sastuovdaļa. Nu 20. g.s. 90. godu situaceja drukuotūs medeju laukā ir krītni mainejusēs, ir pasaruodejušs jauni medeji, kas pīvierš viereibu taišni latgalīšu volūdai.
Kai Latgolai nūzeimeigu personeibu raidejums īpazeist kulturys nūzaris puorstuovi Rutu Cibuli. Saruna par Atmūdys laika aktivitatem Bolvu pusē i Rutys veikumu Zīmeļlatgolys namaterialuos kulturys saglobuošonā, izpētē i populariziešonā.
Latgolys kulturtelpys aktualitašu sadaļā ekskluziva cīmuošonuos Latgolys puorstuovnīceibā Reigā, kur 11. decembrī nūtyka Latgolys planavuošonys regiona Atteisteibys padūmis i nu Latgolys īvālātūs 13. Saeimys deputatu sasatikšona, kurā tyka sprīsts par izaicynuojumim Latgolys regiona atteisteibā.
Raidejums “Laika leigučuos” taps ar Vaļsts regionaluos atteisteibys agenturys mierkprogramys “Regionalūs i vītejūs medeju atbolsta programa” apakšprogramys “Atbolsts sabīdriski nūzeimeigys žurnalistikys radeišonai medejūs Latgolys planavuošonys regionā” atbolstu.
DrukavuotLeidzeigī roksti:
Suocās akceja “Zalta rūku ceļš Latgolā” 15/07/2019 
Jauns raidejums par medejprateibu 22/07/2019 
Regionaluo reforma i latgalīšu volūda 20/08/2019 
