“Laika leigučuos” 12. raidejums

“Laika leigučuos” 12. raidejums

Roksta autors: Latgolys entuziastu grupa “Biļdis”

Dzejnīks, publicists, folklorys pietnīks i lokalpatriots Ontons Slišāns 28. decembrī atzeimuotu 70 godu jubileju. Atguodojūt itū unikalū personeibu, raidejums “Laika leigučuos” īsaver viesturiskajūs videomaterialūs, sadzierdūt juo puordūmys i kaut nadaudz sajiutūt kluotasameibu. Piec aizīšonys myužeibā Ontona dorbu i īceris turpynoj juo bārni i mozbārni – kotrs pa sovam i vysi kūpā kai aplīcynuojumu patīsūs vierteibu nabeidzameibai.

Kai Latgolai nūzeimeigu personeibu raidejums īpazeist kuodreizejū Latgolys Televizejis sabīdreibys (LTS) vadeituoju Uldi Dvinski, īsaklausūt juo atmiņuos par LTS topšonu, par lelu ideju spāku, entuziasmu i naaizmierstamū. Itei tikšonuos ir kai simbolisks nūslāgums raidejumu cyklam, kur kotrā nu rubriku “Viesturis olūlā” tyka īsavārts 20. g. s. 90. godu LTS raidejuma “Olūti” kadrūs.

Latgolys kulturtelpys aktualitašu sadaļā tikšonuos ar Vaļsts volūdys centra direktoru Māri Baltiņu, kab runuotu par jūprūjom aktualū i apsprīstū latgalīšu volūdys statusa vaicuojumu.

Raidejums “Laika leigučuos” taps ar Vaļsts regionaluos atteisteibys agenturys mierkprogramys “Regionalūs i vītejūs medeju atbolsta programa” apakšprogramys “Atbolsts sabīdriski nūzeimeigys žurnalistikys radeišonai medejūs Latgolys planavuošonys regionā” atbolstu.

Kalenders

Feb
8
Sai
all-day Izstuode “Baba, kurū škārsteikla... @ Kuorsovys kulturviesturis centrs "Līču mājas"
Izstuode “Baba, kurū škārsteikla... @ Kuorsovys kulturviesturis centrs "Līču mājas"
Feb 8 all-day
Baba ir Latgolys fenomens, kura oda zečis, skaita gazetys, marinej konservus zīmai, slauc gūvs i iz pīna golda nūdūd pīnu, ravej duorzu, cap špeka peirāgus i dora cytys lītys, kū babys parosti dora. Tok taidys[...]
15:00 Koncerts “Sadziedami – sadzīdami!” @ Kulturtelpa "Tintnīca"
Koncerts “Sadziedami – sadzīdami!” @ Kulturtelpa "Tintnīca"
Feb 8 @ 15:00 – 17:00
Kod dīnys palykušys garuokys i gaisā jiutama pavasara tyvuošonuos, 8. februarī 15.00 stuņdēs Latvejis Nacionaluo rakstnīceibys i muzykys muzeja kulturtelpā “Tintnīca”, Reigā, Pulka īlā 8, sīviškeiguos “Stiprās sievas” nu Reigys i Līpuojis i šarmantuos latgalītis[...]