Izdūta gruomota par dirigeņtis Terēzis Brokys dzeivi i davumu

Izdūta gruomota par dirigeņtis Terēzis Brokys dzeivi i davumu

Rokstu sagataveja: portals lakuga.lv

2018. gods nūslāgumā izguojs Annys Rancānis dokumentalais stuosts “Aiz azara bolti bārzi…” par izcyluos Latgolys dirigeņtis i pedagogis Terēzis Brokys dzeivi i naatsveramū īguļdejumu Latgolys i Latvejis kulturvidis saglobuošonā i atteisteibā, informej Daugovpiļs piļsātys dūmis kulturys puorvaļde.

Kab stuostejums par Terēzi datyktu da skaiteituoja, gruomotys idejis autori i izdeviejs Daugovpiļs piļsātys dūmis Kulturys puorvaļde jau 2015. godā suoce sadarbeibu ar Latgolys literati i žurnalisti Annu Rancāni. Nazcik godu garumā nūtyka intensivs pietnīcyskais dorbs, kurymā tyka salaseitys mutvuordu i dokumentaluos līceibys, kū deve i poša Terēze Broka, i ari juos kolegys, koru dzīduotuoji, kulturys darbinīki, rodi i cyti cylvāki, kas nazkod ir sasadorbuojuši ar dirigeņti, kai ari tyka atlaseiti Reigys Rakstnīceibys i muzykys muzeja, Latvejis Vaļsts arhiva, S. Broka Daugovpiļs Muzykys vydsškolys i c. īstuožu arhivu dokumenti i fotografejis. Gruomota papyldynuota ari ar audio materialu – muzykys disku. Jamā digitalizātys div platis “Latgalian (Latvian) Folk Songs” ar latgalīšu tautysdzīsmem, kurys izpiļdeja Stanislava i Terēzis Broku vadeitī kolektivi. Platis tyka īraksteitys 1962. godā. Gruomotys i muzykys diska dizaina autore ir Sandra Ošiņa.

Zeimeigi, ka gruomotys izīšonys gods ir Latvejis symtgadē, partū ka, sekojūt dirigeņtis myužam, grybūt nagrybūt leidza var izdzeivuot ari myusu vaļsts liktiņam gondreiž vysa godu symta garumā. Taipat cīš zeimeigi, a tymā pošā laikā ari naizsokomi suopeigi, ka gruomota izīt taišni Terēzis aizīšonys godā. Kai nūruoda gruomotys autore A. Rancāne: “Datryuka pavysam nadaudz, kab Terēzeitis rūkuos īsagultu gruomota par juos skaistū i boguotū myužu. Varams, ka daudz kas palyka napasaceits, tok svareiguokais ir sirds syltums, gaišums i mīlesteiba, kū Terēze atstuojuse vysim, kas jū pazyna. “Aiz azara bolti bārzi…” nu ir palykuse par pīminis gruomotu izcylai personeibai, Muorys zemis meitai – Terēzei Brokai.”

Gruomotys attaiseišona plašuokā auditorejā planavuota 2019. gods janvarī.

Roksts sagataveits ar Vaļsts regionaluos atteisteibys agenturys finansialu atbolstu nu Latvejis vaļsts budžeta leidzekļu.

Print Friendly, PDF & Email

Kalenders

Jun
15
Sai
all-day Gitys Palmys izstuode “Vilcienu ... @ Roberta Mūka muzejs
Gitys Palmys izstuode “Vilcienu ... @ Roberta Mūka muzejs
Jun 15 all-day
Nu 12. apreļa da 15. juņa Roberta Mūka muzejā Gaļānūs apsaverama muokslineicys Gitys Palmys gleznu izstuode “Vilcienu meitenes stāsts”. Izstuodē apsaveramys i vairuoku godu laika periodā radeituos, i publikai īprīšk naparuodeitys, kai ari pavysam jaunys[...]
10:00 Bruņojīs ar zynuošonom. Informat... @ Rēzekne, Kulturys i atpyutys parks
Bruņojīs ar zynuošonom. Informat... @ Rēzekne, Kulturys i atpyutys parks
Jun 15 @ 10:00 – 15:00
Bruņojīs ar zynuošonom. Informativuo dīna @ Rēzekne, Kulturys i atpyutys parks
Informativuo dīna dzeivuotuojim “Bruņojies ar zināšanām”.