Žurnala “A12” varūņu pīzynumi pylnvierteigai dzeivei

Žurnala “A12” varūņu pīzynumi pylnvierteigai dzeivei

Apkūpuoja: Ināra Volkova, Sandra Ūdre, žurnals “A12”

Ka Dīveņš tev koč kū ir īlics šyupelī, tod tū vysu realizēt ir tovs pīnuokums. Tei nav nikaida privilegeja pret puorejim, bet tovs pīnuokums pošam pret sevi, partū ka tu ītylpsti Dīva planūs. Ka tu tuo narealizej, tu izjauc Dīva planus i par tū dabuosi pa šnobeli.

Evalds Vasilevskis

Ticeiba cylvāku paceļ da naīspiejameibys rūbeža. Tycūt tam, kū navar saprast ar pruotu. (..) Aiztaiseitom acim var redzēt, klusumā var klauseitīs i sadzierdēt.

Andrejs Trapučka

Pylnvierteigu dzeivi izbauda na jau tī, kam daudz naudys, a tī, kas dzeivoj ar jāgu.

Agris Daniļevičs

Kū vairuok tev sātā ir dabysku lītu – vylna, kūks, lyns, metals, tū tu esi stypruoks. Kūka sāta ir dzeiva, sylta, eista i patīsa, i nūteikti myusu plotuma gradūs jei ir vysvairuok pīmāruota pylnvierteigai dzeivuošonai.

Līga un Ēriks Kondrāti

Līleitīs? Pluoteitīs? Tys ir mozvierteibys komplekss. Tys nūzeimej, ka tu pats sev natici. (..) Likvidejit, latvīši, sevī mozvierteibys kompleksu, kas, storp cytu, ir grāks.

Jānis Streičs

Zini, itymā pasaulī tev ir juoizgluob viņ vīns cylvāks – tu pats.

Kristīne Šislova

Mes svinim svātkus, kab puorveiduotu myusu dzeivi i koč kas nūzeimeigs sasakust myusu dvēselēs. Tys ir aycynuojums uzadrūsynuot dzeivi suokt nu jauna.

Aigars Bernāns nu mūka A. Grīna pīrokstu

Kasdīnā vari skrīt, bet svātkus vajag svinēt. Svātku sajiutu nivīns naatness iz sātu, ka pats tuo naradeisi.

Aina Barsukova

Cylvāks aktivs ir pats. Lidereibu nūsoka tys, kai es transleju sovys zynuošonys i psihiskū energeju. Ka Es apziņā ci bezapziņā radeituos puormejis naapzynuoti turpynojās ari tod, kod mane sūpluok vaira nav, itei naapzynuotuo ītekme niule i ite ir lidereiba.

Aleksejs Vorobjovs

Byudami dobā, mes nūkopejam veseleibys stuovūkli. Tys ir īškejais stuovūklis, kū navarim saražuot piļsātā. Kod īsavuiceisim apstuodynuot dūmu pavedīni, mes suoksim dzierdēt eņgeļus piļneigi vysi.

Andžejs Reiters

Kotram dūta dzeiveiba i nu poša viņ ir atkareigs, ci byusi napamanoms kai nacyla nazuole, ci – kūša saulispuče, kas duovoj mīlesteibu i labesteibu.

Vija Kudiņa

..lobuok degt kai kiupēt, partū ka zinim, ka syltums i gaisma rūnās viņ sadagūt.

Terēzija Broka

Reizem runojūt atškireiguos volūduos, var sasaprast bez volūdu zynuošonys. Tei ir mīlesteibys volūda.

Pāvels Zeiļa

Vyss, kas mums dzeivē nūteik, vyss gryutais, šausmeigais, tys jau viņ padora myus par lobuokim cylvākim.

Aiga Dātava

Talantam juobyun, bet puorsvorā tuoluokū nūsoka dorbs. Ka suoc struoduot, rūnās idejis i gribīs dareit.

Vladislavs Paurs

Mums vajag turētīs pretim, kab napagaisynuotu seve globalizacejā, vīneigais, kas pret tū var ceineitīs, tei ir lokalizaceja – pošapsazynuošona. Prūtams, pasauļs ir atvārts, tu navari nu juos nūsaslēgt i daudzveideiba dūd progresu. Bet ir juoaizsorgoj sova sāta, kuru esi izcieļs.

Mārtiņš Arbidāns

Daudzim cīš vīnkuorši dabuot sevī vaidiešonu i peikstiešonu, ņaudiešonu i rauduošonu. Juobeidz! Dūta ir vīna dzeive. Jū vajag spēt nūdzeivuot, piec īspiejis mozuoāk sevi mūkūt.

Anatolijs Danilāns

..dzeivē tev atvālātais laiks nav bezgaleigs. Ir vārts dareit byutyskys lītys, na vīnkuorši koč kū dareit.

Viesturs Kairišs

Roksts sagataveits ar Vidis regionaluos atteisteibys agenturys finansialu atbolstu nu Latvejis budžeta leidzekļu projektam “Sabiedrības un reģionu robežlīnijas žurnālā A12”.

Print Friendly, PDF & Email