Pavasara akcenti Daugovpiļs restoranu pīduovuojumā

Pavasara akcenti Daugovpiļs restoranu pīduovuojumā

Rokstu sagataveja: portals lakuga.lv

Da 20. marta Daugovpiļs restorani i kafejneicys aicynoj nūbaudeit VI Daugovpiļs restoranu dekadis pīduovuojumus. Itūreiz apmaklātuojim ir īspieja izjust pavasara akcentus, pastreipoj Daugovpiļs piļsātys pošvaļdeibys turisma atteisteibys i informacejis agenturā.

Pavasars ir godalaiks, kuru vysi cīš gaida. Pavasara atīšona roda lelys puormejis dobā i ari cylvākūs. Gordiežu dekadis dalinīku pīduovuotajūs iedīņūs dominēs kūšys kruosys i pavasara akcenti.

Pavasara Daugovpiļs gordiežu dekadis dalinīki – Daugovpiļs piļsātys i nūvoda restorani i kafejneicys: restorans “ART HUB”, “IRISH DUBLIN PUB”, gastrobars “Vēsma”, “Orange Bowling & Pica Да!”, restorans “Plaza”, kafejneica “Imbir”, “Itāļu restorāns”, restorans “Silenes Terases” i “Sventes muiža” aicynoj apmaklātuojus nūgaršuot jaunus iedīņus, kas da ituo vēļ nav bejuši jūs iedīņkartēs.

Interesenti ar iedīņu pīduovuojumu var īsapazeit digitalajā bukletā “Pavasara Daugavpils gardēžu dekāde”. Bukletā atrūnama ari informaceja par nūzeimeiguokajim pasuokumim, kas gordiežu dekadis laikā nūtiks Daugovpilī. Bukleta elektroniskuo verseja ir daīmama pasuokuma reikuotuoju sātys lopuos i socialūs teiklu lopuos, kai ari www.visitdaugavpils.lv i www.daugavpils.lv .

Daugovpiļs gordiežu dekadis mierkis ir īinteresēt cylvākus īsaturēt uorpus sātys i īpazeit daudzveideigu iedīņkarti. Tū organizej uzjiemieju apvīneiba “HORECA SADARBENCE” – sadarbeiba konkureņcis apstuokļūs. Pavasara Gordiežu dekadi atbolsta Daugovpiļs piļsātys dūme i Daugovpiļs Turisma informacejis centrs.

Dīvs, gaus!

Print Friendly, PDF & Email

Kalenders

Feb
26
Pyr
all-day Izstuode “Māla gravitācija” @ Daugovpiļs Nūvodpietnīceibys i muokslys muzejs
Izstuode “Māla gravitācija” @ Daugovpiļs Nūvodpietnīceibys i muokslys muzejs
Feb 26 all-day
Itūgod palyka 105 godi kai dzims izcylais keramiks Stanislavs Vylcāns. Aktualizejūt S. Vylcāna jubileju i juo nūzeimeigū davumu Latgolys keramikys tradiceju saglobuošonā, Daugovpiļs Nūvodpietnīceibys i muokslys muzejs aicynoj baudeit izstuodi “Māla gravitācija”, kuruos atkluošona nūtiks[...]
13:00 Silvai Linartei veļteitys izstuo... @ Daugovpiļs Dizaina i muokslys vydsškola "Saules skola"
Silvai Linartei veļteitys izstuo... @ Daugovpiļs Dizaina i muokslys vydsškola "Saules skola"
Feb 26 @ 13:00 – 14:00
26. februarī, atguodojūt Silvu Linarti 85. dzimšonys dīnā, “Saulis školys” konferenču zālē nūtiks muokslineicys pīminis izstuodis atkluošona.   Silva Veronika Linarte (26.02.1939.–23.07.2018.), ilgus godus vuicūt kompozicejis pamatus studentim i školuotuojim na tik “Saulis školā”, bet[...]