Roksta autors: portals lakuga.lv

16. martā Viļam Dzērvinīkam (1959–2007) palyktu viņ 60. Jis caur sevi spēja sajust pasauļa suopi i par ūtraideibom sabīdreibys moralē dzejis volūdā runuoja nadajiuktuos metaforuos. Kai Ojārs Vācietis jis sevi dadzynuoja iz taisneibys oltora, ari cigaretēs i alkoholā – kai socials protests tei reizem bejuse vīneiguo pastuoviešonys forma.

Dzejnīks cielīs nu Kaunatys pogosta Kromānu, izstudiejs par byuvdorbu vadeituoju. Ludzys mēra omotu (1991–1993) atstuoja pats, napījimdams jaunlaiku politiskū andeli. Pīci dzejūļu kruojumi izaruodeja konkurētspiejeiguoki par i ar uzjiemieja biznesa planim.