Leivuonā jaunu izstuožu sezonu īsuoks fotoizstuode “Deforma”

Leivuonā jaunu izstuožu sezonu īsuoks fotoizstuode “Deforma”

Rokstu sagataveja: portals lakuga.lv

Leivuonā Myusdīnu muokslys galerejis 2019. gods sezonu īsuoks fotografu Gata Vanaga i Harija Dainys Liepiņa kūpizstuode “Deforma”. Izstuodis atkluošona i tikšonuos ar muokslinīkim nūtiks 23. martā 17.00 galerejis izstuožu zalē (Reigys īlā 108a, Leivuonā), portalu lakuga.lv informej Lāsma Vindule.

Kūpizstuodē “Deforma” obeji autori atroduši vīnojūšū individualajūs fotoprojektūs, kuru fokusā ir myusdīnu ainovys dekonstrukceja i estetikys mekliejumi ainovys žanrā. Jūs dorbūs īraugom ainovyskys abstrakcejis i vyspuorynuojumus. Tradicionaluos žanra ramys autori paplašynuojuši, eksperimentejūt – Gatis ar multiekspozicejis pajiemīnim, bet Harijs ar kusteigu kameru. Sovūs mekliejumūs uorpus realistiska ainovu tāluojuma autori sagloboj dobys realitatis atveidus, tai realais i deformātais veidoj jaunys, puorsteidzūšys vizejis par Latvejis ainovā īraudzeitū.

Gatis ir grafiskais dizainers i fotografs ar magistra grādim arhitekturā i muokslā, itūšaļt struodoj pi promocejis dorba LMA doktoranturā. Nu 2008. gods pīsadola kasgadejā Hāpsalys grafiskuo dizaina festivala plakatu izstuodē. Regulari pīsadola i ar fotografejom, i grafiskuo dizaina dorbim grupu izstuodēs Latvejā. Harijs sovu radūšū darbeibu suocs 80. godūs i ir bejs saisteits ar fotoklubu “Īriss”. Pyrmī dorbi radeiti sirrealisma ītekmē i paīt iz postmodernisma tendeņcem. Piec puortraukuma deviņdasmytajūs jis atsagrīze pi sovu autorkolekceju veiduošonys i nu 2006. gods sareikuojs vairuok kai 20 personalizstuodis i pīsadalejs grupu izstuodēs Latvejā, Leitovā, Vuocejā i Austrejā.

Izstuode byus apsaverama da 27. apreļa. Juos izveidi finansiali atbolsta Vaļsts Kulturkapitala fonds.

Myusdīnu muokslys galerejis apmekliejums – bez moksys. Galerejis dorba laiks – nu trešdīnis da sastdīnis 12.00–18.00.

Vairuok informacejis: www.facebook.com/musdienumaksla  

Print Friendly, PDF & Email

Kalenders

Feb
22
Cat
10:00 Seminars “Konfesionālās attiecīb... @ Latvejis Universitatis Latvejis viesturis instituts
Seminars “Konfesionālās attiecīb... @ Latvejis Universitatis Latvejis viesturis instituts
Feb 22 @ 10:00 – 12:00
22. februarī 10.00 stuņdēs kluotīnē, Kalpaka bulvarī 4, 108. telpā nūtiks seminars LU Latvejis viesturis instituta akademiskuo omota pretendentim. Tymā tiks snāgts ziņuojums par īprīšk sagataveitu temu.   Seminara programa: 1. Tatjana Bogdanoviča. “Konfesionālās attiecības[...]
Feb
23
Pīk
18:00 Ūtrais čangaļu saīts ci latgalīš... @ Ūzulainis tautys noms
Ūtrais čangaļu saīts ci latgalīš... @ Ūzulainis tautys noms
Feb 23 @ 18:00 – 23:00
23. februarī nu 18.00 da 23.00 stuņžu Ūzulainis tautys nomā nūtiks ūtrais “Čangaļu saīts ci latgalīšu olimpiade”, aicynojūt iz prīceigu i gordu laika pavadeišonu latgaliskā atmosferā. Tei nav tipiska olimpiade, jo tamā varēs: pasasmīt par[...]