Īguodojūt 1949. gods 25. marta deportacejis

Īguodojūt 1949. gods 25. marta deportacejis

Rokstu sagataveja: portals lakuga.lv

Pyrmūdiņ, 25. martā 13.00 stuņdēs, Latgolys Kulturviesturis muzejā (Atbreivuošonys alejā 102, Rēzeknē) nūtiks Viesturis šaļteņu pītura “Pieminot 1949. gada 25. marta deportācijas”, informej Kulturviesturis nūdalis vadeituoja Anna Līpenīte.

1949. gods 25. marts… 70 godu plaša laika jūsla šudiņ myus škir nu tuos tuolejuos, daudzom tyukstūšom cylvāku liktineiguos dīnys. Nūvastī… Storp jim beja ari sešpadsmitgadeiguo rykavīte Helēna Vilne. Izcītuse “eļni zemis viersā”, jaunuo sīvīte atsagrīze i vys dzeivoj dzymtajā nūvodā. Literate Iveta Dimzule Vilnis kuņdzis pīdzeivuotū izsyutejumā Sibirī aprakstejuse sovā dorbā “Bites deja”.

Viesturis šaļteņu pīturā tiksimēs ar gruomotys autori i īpazeisim vīnu dzeivisstuostu nu “leluos suopu draudzis”. Vīna cylvāka liktiņa tāluojumā paruodeits vysys myusu tautys suopu i cīsšonu ceļš, taipat kai vīnā iudiņa pilē atsaspīgelej plašuo jiura.

Īeja iz pasuokumu – školānim, studentim 1 eiro, pīaugušajim 2 eiro.

Print Friendly, PDF & Email

Nūtikšonu kalendars

Jan
26
Tre
vysu dīnu Nūvodpietnīceibys lasejumi prāve... @ Bolvu Nūvoda muzejs, tīšsaiste
Nūvodpietnīceibys lasejumi prāve... @ Bolvu Nūvoda muzejs, tīšsaiste
Jan 26 vysu dīnu
Nūvodpietnīceibys lasejumi prāvesta Alberta Budžis pīmiņai @ Bolvu Nūvoda muzejs, tīšsaiste
Gūdynojūt prāvesta Alberta Budžis (1930–1957–2017) atceri, Bolvu Centraluo biblioteka aicynoj pietnīkus pīsadaleit “Novadpētniecības lasījumos prāvesta Alberta Budžes piemiņai”. Tēmu lūks nav īrūbežuots, jis ītvar sevkuru pietnīku interesejūšu jūmu, kurys izpietis teritoreja ir Bolvu nūvods. Lasejumu[...]
Jan
31
Pyr
22:00 Referatu pīsaceišona Latgolys ko... @ Tīšsaistē
Referatu pīsaceišona Latgolys ko... @ Tīšsaistē
Jan 31 @ 22:00
Referatu pīsaceišona Latgolys kongresam @ Tīšsaistē
2022. gods 31. janvars ir pādejuo dīna, kod 27.-29. aprelī nūteikūšajam Latgolys kongresam var pīsaceit sovus referatus. Kongresa tema – “Latgaliskuma kods Eiropā: nu volūdys da ekonomikai”. Aicynuojums pīsadaleit kongresā (ar referatu voi stenda referatu) ITE.[...]